बीड: बारा ज्योतिर्लिंगापैकी एक अशी ओळख असलेल्या परळीतील वैजनाथ मंदिराच्या विश्वस्तांना ५० लाख रुपये द्या, अन्यथा मंदिर RDXने उडवू, असे एका गुंडाने पाठवले आहे. मी फार मोठा नामी गुंड असून ड्रग्ज माफिया व गावठी पिस्तूलधारक आहे. मला तातडीची गरज भागवण्यासाठी पन्नास लाखांची गरज आहे. हे पत्र मिळताच पत्त्यावर रक्कम पोहोचती करावी, नाहीतर मी वैद्यनाथ मंदिर माझ्याकडील RDX ने उडविन, अशी धमकीच त्याने पत्राद्वारे दिली आहे. २६ नोव्हेंबर रोजी पाठवलेल्या RDX माफियाच्या धमकीच्या या पत्राने एकच खळबळ उडाली असून संस्थांच्या तक्रारीवरून शहर पोलिस ठाण्यात गुन्हा नोंद करण्यात आला आहे. या धमकीनंतर पोलिसांनी मंदिर परिसराची सुरक्षा वाढवली आहे. क्लिक करा आणि वाचा- देशातील बारा ज्योतिर्लिंगापैकी एक प्रभू वैजनाथाचे मंदिर येथे आहे. या मंदिराच्या दर्शनासाठी राज्य व परराज्यातून भाविक येत असतात. मार्च २०२० पासून हे मंदिर कोविडमुळे बंद ठेवण्यात आले होते. महिनाभरापूर्वी मंदिर उघडण्याचा निर्णय झाल्याने हे मंदिर भाविकांसाठी खुले करण्यात आले. दरम्यान काल शुक्रवारी विश्वस्तांना एका धमकीचे पत्र आल्याने खळबळ उडाली आहे. क्लिक करा आणि वाचा- या धमकीच्या पत्रात संबंधित व्यक्तीने मंदिर विश्वस्तांना उद्देशून म्हटले आहे की, आपण फार मोठ्या मंदिर संस्थानचे विश्वस्त आहात. आतापर्यंत आपल्या मंदिराला भरमसाठ देणगी रुपाने पैसा मिळाला आहे. या धमकीच्या पत्राने जिल्ह्यात खळबळ उडाली असून पोलिसांनी मंदिर परिसरात सुरक्षा वाढवली आहे. तसेच धमकी दिलेल्या संबंधित व्यक्तीचा शोध पोलीस घेत आहेत. क्लिक करा आणि वाचा-
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3FSVfR6