बीडः राष्ट्रवादी काँग्रेसचे अध्यक्ष शरद पवार (Sharad Pawar) यांच्या वाढदिवसानिमित्त सजलेल्या परळी वरून भाजप नेत्या पंकजा मुंडेनी (Pankaja Munde) थेट राष्ट्रवादी काँग्रेसचे नेते () यांच्यावर निशाणा साधला आहे. 'स्वतःचा वाढदिवस व आपल्या नेत्याचा वाढदिवस साजरा करताना भव्यदिव्यता दाखवून सामान्य लोकांना काय मिळणार. खूप मोठी प्रतिकृती बनवली ,पेंटिंग्ज केलं म्हणजे गरिबांच्या पोटाची भुक शमणार आहे का? हे आमच्या मुंडे साहेबांचे संस्कार नाहीत, असं म्हणत यांनी नाव न घेता धनंजय मुंडेंवर घणाघाती टीका केली आहे. गोपीनाथ मुंडे यांच्या वाढदिवसानिमित्त गोपीनाथ गडावर रक्तदान शिबिरासह अनेक विविध उपक्रम राबविण्यात येत आहे. पंकजा मुंडे यांच्या उपस्थितीत अनेक सामाजिक कार्यक्रम होणार आहेत. या वेळी गोपीनाथ गडावरुन पंकजा मुंडे यांनी भाषण केलं आहे. यावेळी त्यांनी धनंजय मुंडे यांच्यावर अप्रत्यक्षरित्या टीका केली आहे. किती मोठ्या कमानी लावल्या किती मोठ्या रांगोळ्या काढा, किती मोठे कट आउट लावले, किती कोटींच्या जाहिराती दिल्या. त्यात गरिबाला काय मिळालं याचा विचार करावा अस पंकजा मुंडे म्हणल्या गोपीनाथ गडावर आयोजित लोकनेते गोपीनाथ मुंडे यांच्या जयंतीनिमित्त त्या बोलत होत्या यावेळी खासदार प्रीतम मुंडे आमदार सुरेश धस आमदार लक्ष्मण पवार आमदार रत्नाकर गुट्टे आमदार आमदार नमिता मुंदडा यांची उपस्थिती होती. वाचाः पुढे बोलताना पंकजा मुंडे म्हणाले की, आजचा दिवस हा समर्पित केलेला आहे सेवा योजना साठी सेवेचा संकल्प मी घेतला आहे. आत्तापर्यंत गोपीनाथ गडावर देशाचे राज्याचे मान्यवर नेते येऊन गेले मुख्यमंत्री उद्धवजी ठाकरे, जयंत पाटील येऊन गेले पक्षाचा कुठलाही भेदभाव गडावर नाही. दरवर्षी गोपीनाथ गडावर गरिबातील गरीब लोक येतात मात्र यावर्षी आम्ही गोपीनाथ गड गावागावात घेऊन जाण्याचा संकल्प केला आहे आज गोपीनाथ गडाला येऊ देऊ नका असे सांगितले गोपीनाथ गड शेतकऱ्यापर्यंत कष्ट करून सोबत वीट भट्टी, खडी फोडणाऱ्या पर्यंत घेऊन जा, असे आवाहन पंकजा मुंडे यांनी केले. आजपर्यंत लोकांसाठी रक्ताचे पाणी केले आहे. त्यामुळं आज रक्तदान करणार यापूर्वी अगोदर खूप मोठ्या प्रमाणात महाआरोग्य शिबिर ऊसतोड मजुरांच्या मुलांना शिक्षण गरिबांना अपंगांना शेतकऱ्यांना शेतमजुरांना सहकार्य केले सेवा संकल्पच्या माध्यमातून वेगवेगळे कार्यक्रम घेतले आहेत सामुदायिक विवाह सोहळा देखील घेतला करोना काळात कोव्हिडं केअर सेंटर सुरू केले. आज मी ऊसतोड कामगारांचा फडात जावून त्यांच्या सोबत त्यांच्याबरोबर ऊस कसे तोडतात कस कष्ट करतात हे आज पाहणार आहे स्वयंपाक तयार करून घेतला आहे त्यांच्या सोबत आम्ही जाऊन जेवण करणार आहोत, असं पंकजा मुंडे म्हणाल्या सन्माननीय शरद पवार साहेबांचा आज वाढदिवस आहे. त्यांना देखील वाढदिवसाच्या खूप खूप शुभेच्छा. मुंडे साहेबांच्या नगरीत पवार साहेबांचे मोठमोठे कट आउट बॅनर लागले. मुंडे साहेबांच्या जयंतीत पवारसाहेब सामील झाले असं वाटतं, असं पंकजा मुंडे म्हणाल्या. वाचाः गोपीनाथ मुंडे यांच्या विचारांची प्रतारणा ज्यावेळेस पंकजा मुंडे करील त्यावेळेस या मंचावर ती तुम्ही मला उभा राहू देणार नाहीत याचा मला विश्वास आहे मुंडे साहेबांच्या विचारांची प्रतारणा होणार काम मी कधीही करणार न्हाई. सत्तेच्या खुर्चीवर बसून पाहिल पराभव पचवला, विरोधी पक्षनेत्या बाकावर बसून पाहिलं, राज्यात देशात फिरून पाहिले सगळ्यात मोठी श्रीमंती मुंडे साहेबांचा वसा आणि वारसा आहे. हे माझं स्पष्ट मत झालेले आहे. याचा आनंद मला खूप मोठा आहे आज ऊसतोड मजूरांच्या फडात लसीकरण मोहीम करणार आहे, असंही पंकजा यांनी म्हटलं आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3yhKjdp
