सातारा : राष्ट्रवादीचे माजी मंत्री आणि आमदार यांचा जिल्हा मध्यवर्ती बँकेच्या निवडणुकीत एका मताने पराभव झाल्यानंतर शिंदे यांचे कार्यकर्ते आक्रमक झाले आहेत. शरद पवार आणि अजित पवार यांच्या आदेशाला केराची टोपली दाखवल्याचा आरोप कार्यकर्त्यांनी केला आहे. आमदार शिंदे यांच्या विरोधात त्यांच्याच पक्षातील ज्ञानदेव रांजणे एका मताने विजयी झाले आहेत. या निकालाच्या निमीत्ताने साताऱ्यात राष्ट्रवादीमध्ये फुट पडल्याची चित्र स्पष्ठ दिसत आहेत. आजचा अजित पवारांचा सातारा दौरा सुद्धा रद्द झाला आहे. त्यामुळे शशिकांत शिंदेचा पराभव हा दौरा रद्द व्हायला कारण तर नाही ना अशी चर्चा ही साताऱ्यात रंगली आहे. सातारा जिल्हा मध्यवर्ती बँकेच्या निवडणुकीत निवडणुकांचे धक्कादायक निकाल हाती आले. यामध्ये दिग्गजांना मोठा धक्का बसला आहे. पाटण तालुक्यातून गृहराज्यमंत्री शंभूराजे देसाई यांचा पराभव झाला असून सत्यजित पाटणकर हे विजयी झाले आहेत. जावली तालुक्यातून राष्ट्रवादीचे आमदार आणि माजी मंत्री शशिकांत शिंदे यांचा एका मतांनी पराभव झाला तर ज्ञानदेव रांजणे हे विजयी झाले आहेत. रांजणी हे राष्ट्रवादी पक्षातील बंडखोर उमेदवार आहेत. त्यांचा विजय झाल्यामुळे शशिकांत शिंदे यांच्या समर्थकांनी राष्ट्रवादीचे कार्यालय फोडले. कोरेगाव तालुक्यातून सुनील खत्री आणि शिवाजीराव महाडिक यांना समान मत पडल्यामुळे याठिकाणी टाय झाल्याचं पाहायला मिळतं. तर कराडमधून सहकार मंत्री बाळासाहेब पाटील विजयी झाले असून उदयसिंह उंडाळकर यांचा पराभव झाला आहे. खटाव तालुक्यात राष्ट्रवादीचे माजी आमदार प्रभाकर घार्गे ही विजयी झाले असून नंदकुमार मोरे यांचा पराभव झाला आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3xdo5IV
