सिंधुदुर्ग: मराठा आरक्षणाच्या मुद्द्यावर आक्रमक झालेले खासदार यांना मुख्यमंत्री यांनी कोविड योद्धे म्हणून बाहेर पडण्याचा सल्ला दिला होता. मुख्यमंत्र्यांच्या या सल्ल्यावर संभाजीराजे यांनी आज सूचक प्रतिक्रिया दिली. ( Reply To ) आरक्षणाच्या मुद्द्यावर राज्यव्यापी दौऱ्यावर असलेले संभाजीराजे हे आज सिंधुदुर्गात आले आहेत. त्यावेळी पत्रकारांनी विचारलेल्या प्रश्नांनाही त्यांनी उत्तरं दिली. हाच त्यातील प्रमुख मुद्दा होता. मराठा आरक्षणावर ५ मे रोजी सर्वोच्च न्यायालयाचा निकाल आला तेव्हा आम्ही समंजसपणाची भूमिका घेतली होती. मराठा समाजाला संयम राखण्याचा सल्ला मी दिला होता. त्यामुळं त्यावेळी राज्यात उद्रेक झाला नाही. मुख्यमंत्र्यांनी माझ्या त्या भूमिकेचं कौतुक केलं होतं. आता त्यांनी मला कोविड योद्धे म्हणून बाहेर पडण्याचा सल्ला दिला आहे. पण मी पूर्वीपासूनच समाजाचा योद्धा आहे. समाजासाठी लढत आलो आहे. कोविड योद्धा म्हणून मी बाहेर पडावं असं मुख्यमंत्र्यांना वाटत असेल तर त्यांनी मराठा समाजाच्या पाच मागण्या मान्य कराव्या. येत्या ६ जून रोजी मी माझी पुढील भूमिका स्पष्ट करणार आहे. त्याआधी त्यांनी निर्णय घ्यावा. राजकारण बाजूला ठेवून सरकारनं मराठा समाजाला न्याय द्यावा,' असं संभाजीराजे म्हणाले. वाचा: 'सर्वोच्च न्यायालयात फेरविचार याचिका दाखल करण्याची तारीख ४ जून आहे. सर्वोच्च न्यायालयानं ती आणखी वाढवली आहे. त्यामुळं अहवाल द्यायची तारीख सुद्धा पुढं गेली आहे. मराठा आरक्षणाच्या मुद्द्यावर मार्ग काढू असं उपमुख्यमंत्री अजित पवार यांनी जाहीरपणे सांगितलं आहे. मुख्यमंत्री व उपमुख्यमंत्री नक्कीच यातून मार्ग काढतील, असा विश्वासही त्यांनी व्यक्त केला. वाचा: संभाजीराजे हे तौक्ते चक्रीवादळामुळं किल्याच्या झालेल्या नुकसानीचा आढावा घेण्यासाठी आले होते. मात्र, समुद्र खवळलेला असल्यामुळं त्यांना किल्यावर जाता आलं नाही. समुद्र शांत झाल्यानंतर ते पाहणी करतील अशी शक्यता आहे. छत्रपती शिवाजी महाराजांच्या मंदिरातील सभामंडप दुरुस्तीसाठी पुरातत्व विभागाकडून परवानगी घेऊन काम सुरू केलं आहे. यासाठी पैसे कमी असतील तर रायगड प्राधिकरणाकडून मदत देऊ. या संदर्भात जिल्हाधिकाऱ्याशी चर्चा करणार आहे,' असंही त्यांनी यावेळी सांगितलं. वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3wHUwha
