अकोलाः मुलगी झाल्यापासून महिलेचा मानसिक आणि शारीरिक छळ करत जिवंत पेटवून देण्याची धमकी दिल्याची घटना अकोल्यात घडली आहे. या प्रकरणी महिलेनं पोलिसांत तक्रार दाखल केली आहे. जिल्ह्यातल्या पातूर येथील पिंजर येथे राहणाऱ्या ३२ वर्षीय महिलेचे २०१२ मध्ये लग्न झालं होतं. त्यानंतर दोन वर्षांनंतर महिलेला पहिली मुलगी झाली. मुलगी झाल्यापासून सासरच्या मंडळीकडून व पतीकडून शरीरिक आणि मानसिक छळ करण्यात येत होता. इतकंच नव्हे तर महिलेला सासरच्या मंडळीने माहेरीही सोडण्यात आलं होतं. हे संपूर्ण प्रकरण न्यायप्रविष्ट असून ४९८ नुसार न्यायालयात प्रलंबित आहे. ते प्रकरण मागे घेण्यासाठी पीडित महिलेचा पती तिच्यावर दबाव टाकत होता. वाचाः २०१२ मध्ये महिलेला मुलगी झाल्यापासून तिचा सासरच्या लोकांकडून छळ सुरू आहे. सासरच्या छळाला कंटाळून शेवटी पीडित महिलेने पोलीस ठाण्यात तक्रार दाखल केली होती. त्यानुसार कोर्टात केसही उभी राहिली आहे. हे प्रकरण न्यायप्रविष्ट असल्याने हे प्रकरण मागे घे असं सांगून पती गोपाळ वहुरकर याने महिलेला अमानुष मारहाण केली. तसंच, पेट्रोल टाकून जाळून टाकू अशी धमकीही तिला दिली होती. तसंच, पीडित महिलेला जीवे मारण्याची धमकी दिली. या सर्व प्रकारानंतर महिलेनं पोलिस ठाण्यात धाव घेत तक्रार दाखल केली आहे. पातूर पोलिसांनी ३२३, ५०६ नुसार गुन्हा दाखल केला आहे. वाचाः
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3pPdRLt
