नाशिक: राष्ट्रवादी काँग्रेसचे अध्यक्ष यांचा काल ८१ वा वाढदिवस साजरा झाला. त्या निमित्तानं देशभरातून त्यांच्यावर शुभेच्छांचा वर्षाव करण्यात आला. मनसे अध्यक्ष यांना आज याबाबत विचारलं असता त्यांनी आपल्या पवारांबद्दलचं आपलं मत मांडलं. 'पवार साहेबांना पुष्पगुच्छ पाठवून शुभेच्छा दिल्याचंही त्यांनी यावेळी सांगितलं. () नाशिकमध्ये ते पत्रकारांशी बोलत होते. यावेळी त्यांनी वेगवेगळ्या प्रश्नांना आपल्या नेहमीच्या शैलीत उत्तरं दिली. शरद पवार यांना वाढदिवसानिमित्त काय शुभेच्छा दिल्या असा प्रश्न त्यांना यावेळी विचारण्यात आला. त्यावर स्तिमहास्य करून त्यांनी पवारांबद्दल आपल्या भावना व्यक्त केल्या. 'काल पवार साहेबांचा सहस्रचंद्र दर्शन सोहळा झाला. पण महाराष्ट्र गेली साठ वर्षे शरदचंद्रदर्शन करतोय. साठ वर्षे राजकारणात सातत्य ठेवणं ही काही साधी, सोपी, सरळ गोष्ट नाही. या वयात सर्व व्याधींवर मात करून ते ज्या प्रकारे फिरताहेत, जसं काम करताहेत ही गोष्ट विलक्षण आहे, असं राज ठाकरे म्हणाले. वाचा: 'राजकीय मतभेद असतात तो भाग वेगळा आहे. मतभेद ही गोष्ट असतेच, परंतु जे काही चांगलं आहे ते आहेच. चांगल्याला चांगलं आणि वाईटाला वाईट म्हणणारा महाराष्ट्र आहे. मी वयानं पवार साहेबांपेक्षा बराच लहान आहे. त्यामुळं कौतुक हा शब्द वापरणं बरोबर होणार नाही, पण जेवढी त्यांच्या गुणांची प्रशंसा करावी तेवढी कमी आहे,' असं राज ठाकरे म्हणाले. आता देशात आफ्रिकन लोकांचं राज्य आहे का? राष्ट्रीय पातळीवरील विरोधी आघाडी बाबतच्या प्रश्नाला उत्तर देताना राज ठाकरे यांनी काँग्रेसचे नेते राहुल गांधी यांनी काल राजस्थानातील सभेत केलेल्या एका वक्तव्याची खिल्ली उडवली. 'मी हिंदू आहे, पण हिंदुत्ववादी नाही. या देशात हिंदूंच राज्य यायला हवं, असं राहुल गांधी म्हणतात. मग आता आफ्रिकन लोक देशावर राज्य करतायत का,' असा खोचक सवाल त्यांनी केला. वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3lWuVhG
