जालनाः 'मायचं दूध पिलेलं असेल तर माझा भ्रष्टाचार काढून दाखवा,' असं खुलं आव्हान केंद्रीय रेल्वे राज्यमंत्री यांनी शिवसेना नेते अर्जुन खोतकर यांना दिलं आहे. रविवारी रावसाहेब दानवे यांच्या हस्ते जालना नगर परिषदेअंतर्गत मंजूर झालेल्या वार्ड क्रमांक १ आणि ७ मधील सिमेंट रस्त्यांच्या कामांचं उद्घाटन करण्यात आलं. यावेळी आयोजित कार्यक्रमात ते बोलत होते. शिवसेनेचे नेते अर्जुन खोतकर यांच्या घरावर काही दिवसांपूर्वी ईडीने छापेमारी केली होती. त्यांनतर खोतकर यांनी दानवे यांच्या सांगण्यावरूनच ही छापेमारी झाली असून दानवे यांनी रस्त्याच्या कामात घोटाळे केल्याचा आरोप करत त्यांचे घोटाळे उघड करण्याचा ईशारा दिला होता. त्यावरून दानवे यांनी खोतकर यांचा समाचार घेतला. या कार्यक्रमाला काँग्रेसचे जालना विधानसभा मतदार संघाचे आमदार कैलास गोरंटयाल, नगराध्यक्षा संगीता गोरंटयाल यांचीही उपस्थिती होती. 'एका ४०० लोकसंख्या असलेल्या जवखेडा या गावातून येऊन आपण केंद्रीय मंत्रीपदापर्यंत खूप मोठी झेप घेतली असून लोक माझ्यावर जसे जसे आरोप करतात तसा तसा माझ्या राजकीय आयुष्यात मी आणखी मोठा होत चाललोय अस सांगत आता मी चिडचिड करणार नाही. कुणावरही आरोप करणार नाही,' असा टोलाही त्यांनी हसत हसत लगावला आहे. वाचाः केंद्रीय रस्ते वाहतूक मंत्री नितीन गडकरी यांच्याकडे मुंबई-नागपूर समृध्दी महामार्गाचं काम करत असलेल्या कॉन्ट्रॅक्टरला ब्लॅकमेलिंग करणाऱ्यांची यादी असून गडकरी यांनी या यादीतील नावं जाहीर करावीत. या यादीतील नावं गडकरी यांनी जाहीर केल्यास आणखी एखादी टीम घरी येईल, असा टोला काँग्रेस आमदार कैलास गोरंटयाल यांनी अर्जुन खोतकर यांचं नाव न घेता मारला. जालनेकरांची ऊंची ही कॉन्ट्रॅक्टरच्या डोक्याला बंदूक लाऊन वसुली करण्याची आहे, असा आरोप गोरंटयाल यांनी नाव न घेता केलाय. वाचाः
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/334xA2b
