चंद्रपूर: एसटी महामंडळाला शासनात विलनीकरण करावे. या मागणीसाठी गेल्या महिन्याभरापेक्षा अधिक काळापासून आंदोलन सुरू आहे. सरकारने एसटी कर्मचाऱ्यांना परागवाढी दिली असली तरी अद्याप काही कर्मचारी संपावर ठाम आहेत. तर, राज्यातील काही आगारातील बससेवा सुरू झाल्या आहेत. चंद्रपुरात मागील ४८ दिवसापासून एसटी कर्मचाऱ्यांचे आंदोलन सुरू आहे. यावेळी आंदोलनादरम्यान एक दुर्दैवी घटना घडली आहे. () आंदोलनस्थळी निघालेल्या एसटी कर्मचाऱ्याचा अपघातात दुर्दैवी मृत्यू झाल्याची घटना जिल्ह्यात घडली आहे. या घटनेने आंदोलस्थळी एकच शोककळा पसरली आहे. योगेश्वर शेडमाके असं मृत कर्मचाऱ्याचे नाव आहे. शवविच्छेदनानंतर कर्मचाऱ्यांचा मृतदेह आंदोलनस्थळी नेण्यात आला आहे. वाचाः विलीनीकरणाच्या मागणीसाठी मागील ४८ दिवसापासून चंद्रपूरात एसटी कर्मचाऱ्यांचे आंदोलन सुरू आहे. आळीपाळीने कर्मचारी आंदोलस्थळी उपस्थित असतात. शनिवारी गडचिरोली येथून आंदोलनस्थळी भेट देण्यासाठी निघालेल्या योगेश्वर शेडमाके यांच्या दुचाकीला लोहारा नजिक अज्ञात वाहनाने धडक दिली. या धडकेत त्यांचा घटनास्थळीच मृत्यू झाला. घटनेची माहिती आंदोलनस्थळी पोहताच एकच शोककळा पसरली. शवविच्छेदनानंतर शेडमाके यांचा मृतदेह आंदोलनस्थळी आणण्यात आला. आंदोलनस्थळी उपस्थित असलेल्या कर्मचाऱ्यांनी त्यांना मानवंदना दिली. वाचाः एसटी कर्मचाऱ्यांचा आता अंत बघू नका. आंदोलना दरम्यान मृत झालेल्या कर्मचाऱ्यांची संख्या ४५ झाली आहे. मेस्मा की काय ते एकदाचं लावा आणि आमचा विषय संपवा, अशा उद्विग्न भावना कर्मचाऱ्यांनी व्यक्त केल्या. वाचाः
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3EFNYEl
