औरंगाबादः राष्ट्रवादीचे नेते आणि सामाजिक न्याय मंत्री धनंजय मुंडे (dhananjay munde) यांच्याविरोधात सप्टेंबर महिन्यात पत्रकार परिषद घेण्यासाठी बीडमध्ये आलेल्या करुणा शर्मा (Karuna Sharma) मोठ्या चर्चेत आल्या होत्या. आता पुन्हा एकदा करुणा शर्मा यांनी मुंडे यांच्याविरोधात पत्रकार परिषद घेण्याचा इशारा दिला आहे. फेसबुक लाईव्हच्या माध्यमातून त्यांनी ही माहिती दिली आहे. धनंजय मुंडे आणि करुणा शर्मा यांच्यातील घटस्फोट प्रकरण न्याय प्रविष्ट असून याबाबत मुंडे यांच्याकडून यापूर्वीच माहिती देण्यात आली होती. असं असतांना शर्मा यांनी बीडमध्ये जाऊन आपण पत्रकार परिषद घेऊन मुंडे यांचा भांडाफोड करणार असल्याचं म्हणाल्या होत्या. मात्र याचवेळी गाडीत सापडलेल्या पिस्तुलमुळे शर्मा यांना अटक करण्यात आली होती. त्यामुळे शर्मा यांची पत्रकार परिषद होऊ शकली नव्हती. वाचाः मात्र आता पुन्हा एकदा करुणा शर्मा यांनी फेसबुक लाईव्ह करत आपण लवकरच पत्रकार परिषद घेणार असल्याची माहिती दिली आहे. मी अहमदनगरमध्ये पत्रकार परिषद घेणार आहे. त्या पत्रकार परिषदेत मी सगळे खुलासे करणार आहे. तसेच या पत्रकार परिषदेत माझी मुलं सुद्धा माझ्यासोबत असतील आणि ते स्वतः त्यांच्यावर झालेल्या अन्यायाची माहिती देतील असं, शर्मा म्हणाल्यात. वाचाः त्यामुळे आता पुन्हा एकदा करुणा शर्मांची पत्रकार परिषद चर्चेचा विषय ठरणार आहे. तसेच या पत्रकार परिषदेत त्या काय बोलणार आणि धनंजय मुंडे यांची यावर काय प्रतिक्रिया असेल हे पाहणं महत्वाचं ठरणार आहे. विशेष म्हणजे हे प्रकरण न्यायालयात असल्याने अशाप्रकारे पत्रकार परिषद घेता येत नाही असा दावा मुंडे समर्थकांकडून यापूर्वीच करण्यात आला आहे. वाचाः
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3IkM7GW