औरंगाबादः शिक्षणासाठी मुलीने मामाकडे राहण्याचा हट्ट धरल्याचा राग मनात धरत बहिणीने भावाला थेट पोलीस ठाण्यासमोर धो-धो धुतल्याची घटना औरंगाबादच्या वाळूज एमआयडीसीसमोर घडली आहे. तर, या मारहाणीचा व्हिडीओ सोशल मीडियावर चांगलाच व्हायरल झाला आहे. दहावीत शिकणारी सोळा वर्षीय अल्पवयीन मुलगी गेल्या काही महिन्यांपुर्वी बजाजनगर येथे आई रामकौर विलास जाधवकडे राहत होती. मात्र आईची वागणुक पसंत नसल्याने मुलगी मामाच्या गावी म्हणजे बीड जिल्ह्यातील केज तालुक्यातील बेलगाव येथे गेली होती. तर पूढील शिक्षण मामाकडेच राहून घेण्याचा निर्णय मुलीने घेतला होता.पण तो मुलीच्या आईला मान्य नव्हतं. वाचाः यामुळे प्रकरण पोलीस ठाण्यापर्यंत पोहचले, पण पोलीस ठाण्यात आल्यांनतर ही त्यांच्यातील वाद सुरूच होता. वाद विकोपाला गेल्याने मुलीची आई रामकौर हीने आपल्या अल्पवयीन मुलीसह भाऊ नकुस टोणगे याला चपलाने बेदम चोपले.विशेष म्हणजे हे सगळं वाळूज एमआयडीसी पोलीस ठाण्याच्या समोरच घडलं. त्यामुळे पोलिसांनी तात्काळ हस्तक्षेप करत मुलीची आणि तिच्या मामाची सुटका केली. वाचाः व्हिडीओ व्हायरल पोलीस ठाण्यासमोर बराच वेळ चालेला राडा पाहून लोकांची मोठी गर्दी जमा झाली होती. तर रामकौर यांनी आपल्या मुलीला आणि भावाला मारहाण करताच उपस्थिती काही जणांनी हा प्रकार आपल्या मोबाईलमध्ये कैद केला. त्यानंतर हा व्हिडीओ सोशल मीडियावर व्हायरल झाल्याचा पाहायला मिळालं. वाचाः
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3GD1tF6