अहमदनगर: राष्ट्रवादी काँग्रेस पक्षाचे अध्यक्ष (Sharad Pawar) यांचे नातू आमदार (MLA ) हे विविध विषयांवर आपली परखड मते मांडण्यात प्रसिद्ध आहेत. हे कर्जत-जामखेड मतदारसंघाचे प्रतिनिधित्व करतात. आपल्या कर्जत-जामखेड मतदारसंघाच्या विकासासाठी रोहित पवार सतत प्रयत्नशील असतात. आपल्या मतदारसंघाचा आपल्या मनासारखा विकास व्हावा यासाठी त्यांनी शरद पवार यांच्याकडेच हट्ट केला आणि शरद पवार यांनी आपल्या या नातवाचा हट्ट पुरवण्याचेही ठरवले आहे. ( talk on the demand made by ncp mla rohit pawar) स्वत: शरद पवार यांनीच याबाबत माहिती दिली आहे. श्रीगोंदा फॅक्टरी येथील नागवडे साखर कारखान्याच्या परिसरात शिवाजीराव नागवडे यांचा पूर्णाकृती पुतळा उभारण्यात आला आहे. या पुतळ्याचे अनावरण शरद पवार यांच्या हस्ते करण्यात आले. त्यावेळी ते बोलत होते. कुकडी धरणातील अतिरिक्त पाणी माणिकडोह धरणात पाठवण्यात यावे, अशी मागणी गेल्या अनेक दिवसांपासून करण्यात येत आहे. असे झाले तर या पाण्याचा फायदा जिल्ह्यातील कर्जत आणि जामखेड या तालुक्यांना होणार आहे. याला धरूनच रोहित पवार यांनी बोगद्याचा प्रश्न शरद पवार यांच्याकडे मांडला होता. कुकडी धरणांमधील बोगद्यांचा प्रश्न अतिशय महत्वाचा आहे आणि त्यात जर शरद पवार यांनी लक्ष घातले, तर तो प्रशन निकाली निघेल असे पुतळा अनावरणाच्या कार्यक्रमात मंत्री जयंत पाटील म्हणाले. त्यानंतर बोलताना शरद पवार यांनी आमदार रोहित पवार यांच्या मागणीचा उल्लेख केला. बोगद्याच्या प्रश्नावर बोलताना शरद पवार आपल्या भाषणात म्हणाले की, श्रीगोंद्यामध्ये पाण्याचा प्रश्न हा नेहमीच चर्चेत राहिलेला प्रश्न आहे. इतका की विवाहाचा आशीर्वाद देतानाही पुढारी पाण्याचा विषय काढतात. मात्र आमचे नातू आमदार रोहित पवार यांनी बोगद्याचा प्रश्न मांडल्यानंतर इतरही नेत्यांनी त्यास पाठिंबा दिला आहे. त्यावर बैठकही झालेली आहे. आता येत्या तीन आठवड्यात याबाबत योग्य तो निर्णय घेऊन हे दुखणे कायमचे दूर करू असे आश्वासन पवार यांनी यावेळी दिले.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3BUEaE9