मुंबई: मुंबईतीलक्रूझ ड्रग्ज पार्टी प्रकरणात अडकलेला अभिनेता याचा मुलगा याने आज दुपारी नोर्कोटिक्स कंट्रोल ब्युरोच्या मुंबई विभागीय कार्यालयात हजेरी लावली. यावेळी बॉडीगार्ड रवी सिंह त्याच्यासोबत होता. मीडियाच्या गराड्यातून वाट काढत आर्यनला कार्यालय गाठावे लागले. ( ) वाचा: आर्यनची ३० ऑक्टोबर रोजी जामिनावर सुटका झाली होती. मुंबई हायकोर्टाने काही अटी घालत त्याला जामीन मंजूर केला होता. ३ ऑक्टोबर रोजी अटक झाल्यानंतर २७ दिवस त्याला कोठडीत काढावे लागले होते. दरम्यान, आर्यनने कोठडीतून सुटका झाल्यानंतर आज प्रथमच एनसीबी कार्यालयात हजेरी लावली. वाचा: मुंबई हायकोर्टाने जामीन देताना आर्यनला अनेक अटी घातल्या आहेत. त्यात जामिनावर असताना दर शुक्रवारी कार्यालयीन वेळेत सकाळी ११ ते दुपारी २ यादरम्यान एनसीबीच्या मुंबई विभागीय कार्यालयात हजर राहण्याचे निर्देश त्याला कोर्टाने दिलेले आहेत. त्या अटीचे पालन करत आर्यन आज दुपारी एनसीबी कार्यालयात पोहचला. यावेळी मीडिया प्रतिनिधींची मोठी गर्दी झाली होती. आर्यनसोबत शाहरुखचा बॉडीगार्ड रवी सिंह वगळता अन्य कुणीही नव्हतं. मीडियाच्या गराड्यातून वाट काढत आर्यन एनसीबी कार्यालयात हजर झाला. तिथे आवश्यक प्रक्रिया पूर्ण करून काही वेळातच तो बाहेर पडला. माध्यमांनी त्याची प्रतिक्रिया घेण्याचा प्रयत्न केला मात्र काहीही न बोलता तो तिथून निघाला. एकूण प्रकरण आणि कोर्टाची कार्यवाही याबाबत कोणतेही निवेदन वा प्रतिक्रिया न देण्याची अटही आर्यनला घालण्यात आली आहे. त्याचे पालन करत त्याने बोलणे टाळले. वाचा: आर्यनसह त्याचा बालपणापासूनचा मित्र व मूनमून धामेचा या दोघांनाही जामीन झाला होता. त्यांनाही सारख्याच अटी घालण्यात आल्या आहेत. अरबाज आज स्वतंत्रपणे एनसीबी कार्यालयात हजर झाला. जामिनावर असताना तिघांनीही कोणत्याही प्रकारे एकमेकांशी संपर्क साधू नये, अशी अटही घालण्यात आली आहे. त्याचे पालन केले जात असल्याचे अरबाजचे वडील अस्लम मर्चंट यांनी माध्यमांना सांगितले आहे. आपल्यामुळे आर्यन अडचणीत येईल असे कोणतेही काम मी करणार नाही, असे अरबाजने नमूद केले आहे. वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3bKwfyA
