मुंबई: आर्यन खान ड्रग्ज प्रकरणानंतर राष्ट्रवादी काँग्रेसचे नेते (Nawab Malik) व एनसीबीचे विभागीय संचालक (Sameer Wankhede) यांच्या कुटुंबीयांमध्ये सुरू झालेला संघर्ष थांबण्याचं नावच घेत नाहीए. समीर वानखेडे यांच्या विरोधात बोलण्यापासून नवाब मलिक यांना रोखता येणार नाही असं उच्च न्यायालायनं स्पष्ट केल्यानंतर मलिक यांच्या टीकेला धार आली आहे. नवाब मलिक यांनी आज पुन्हा एक ट्वीट करून वानखेडे यांची पत्नी अभिनेत्री () हिच्यावर निशाणा साधला आहे. समीर वानखेडे हे भ्रष्टाचारी आणि खंडणीखोर अधिकारी असून त्यांनी अनेक निर्दोष लोकांना खोट्या ड्रग्ज प्रकरणात अडकवल्याचा नवाब मलिक यांचा दावा आहे. त्याचा पुरावा म्हणून मलिक यांनी आतापर्यंत अनेक पुरावे सादर केले आहेत. तसंच, काही पंच साक्षीदारही पुढं आले आहेत. त्याचबरोबर, वानखेडे यांच्या कथित भ्रष्टाचाराचा पुरावा म्हणून त्यांच्या खासगी आयुष्यातील काही कागदपत्रेही मलिक यांनी समोर आणली आहेत. वानखेडे यांच्या कौटुंबिक व धार्मिक पार्श्वभूमीवरही मलिक यांनी प्रश्नचिन्ह उपस्थित केलं आहे. क्रांती रेडकर हिनं व समीर वानखेडे यांच्या वडिलांनी मलिक यांचे आरोप फेटाळले आहेत. क्रांती रेडकर कधी पत्रकार परिषद घेऊन तर कधी ट्वीट करून मलिक यांच्यावर टीका करत आहे. मलिक यांच्या विरोधात ज्ञानदेव वानखेडे यांनी न्यायलयातही धाव घेतली आहे. त्यांच्या याचिकेवर सुनावणी करताना मलिक यांना वानखेडे यांच्यावर आरोप करण्यापासून रोखता येणार नाही, असं न्यायालयानं नमूद केलं आहे. त्यानंतर आज मलिक यांनी क्रांती रेडकरचं एक चॅट समोर आणलं आहे. वाचा: या चॅटमध्ये कॅप्टन जॅक स्पॅरो नामक एका व्यक्ती क्रांती रेडकरला नवाब मलिक आणि अंडरवर्ल्ड डॉन दाऊद यांच्यातील संबंधांचे पुरावे देण्याबद्दल बोलत आहे. त्यावर, हे पुरावे पाठवल्यास तुला बक्षीस दिलं जाईल, असं क्रांती रेडकर सांगत असल्याचं दिसतंय. त्यावर संबंधित माणूस क्रांतीला राज बब्बर आणि नवाब मलिक यांचा फोटो पाठवतो व राज बब्बर यांची बायको त्यांना लाडानं दाऊद म्हणते असंही सांगतो. नवाब मलिक यांनी हे चॅट ट्वीट केलं आहे. 'ओह... माय गॉड! काय जोक आहे! आज सकाळीच मला हे मिळालं, एन्जॉय,' अशी प्रतिक्रिया मलिक यांनी ट्वीटसोबत दिली आहे. हे कथित चॅट असे: कॅप्टन जॅक स्पॅरो: मॅडम, माझ्याकडं नवाब मलिक यांचं दाऊदशी कनेक्शन असल्याचे ठोस पुरावे आहेत. क्रांती रेडकर: तुमच्याकडं काय पुरावे आहेत? कॅप्टन स्पॅरो: नवाब मलिक आणि दाऊदचे फोटो माझ्याकडं आहेत. क्रांती रेडकर: प्लीज, ते फोटो मला पाठवा. त्याबदल्यात तुम्हाला बक्षीस मिळेल. कॅप्टन स्पॅरो: (नवाब मलिक आणि अभिनेते राज बब्बर यांचा फोटो पाठवतो) क्रांती रेडकर: हे तर राज बब्बर आहेत. कॅप्टन स्पॅरो: हो. पण राज बब्बर यांची बायको त्यांना प्रेमानं दाऊद बोलते. वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3DMQGap
