म. टा. प्रतिनिधी, जळगाव: एसटी कर्मचाऱ्यांची पगारवाढ केल्यानतंर देखील ते संप मागे का घेत नाही? याबाबत सदाभाऊ खोत व गोपीचंद पडळकर यांना विचारल्यास तुम्हाला एका मिनिटांत उत्तर मिळेल, अशा शब्दांत शिवसेनेचे स्वच्छता व पाणीपुरवठा मंत्री तथा जिल्ह्याचे पालकमंत्री गुलाबराव पाटील खोत व पडळकरांवर निशाणा साधला आहे. जळगाव जिल्हा प्रशासनातर्फे आज शुक्रवारी संविधानदिनातर्फे रॅलीसह कार्यक्रमांचे आयोजन केले होते. यावेळी पालकमंत्री गुलाबराव पाटील उपस्थित होते. कार्यक्रम झाल्यावर त्यांनी पत्रकारांशी संवाद साधला. त्यांनी राज्यातील एसटी कर्मचारी यांचा संपाबाबत भूमिका तसेच कन्नड घाटात भाजप आमदार मंगेश चव्हाण यांनी पोलिसांच्या वसुलीबाबत केलेल्या स्ट्रिंग ऑपरेशनवर आपली प्रतिक्रीया व्यक्त केली आहे. वाचाः यावेळी एसटी कर्मचाऱ्यांच्या संपाबाबत आपली भूमिका मांडतांना गुलाबराव पाटील यांनी सांगीतले की, शासनाने एसटी कर्मचारी यांच्या काही मागण्या मान्य केल्या आहेत. काही मागण्या मान्य करण्यासाठी थोडा वेळ द्यावा लागणार आहे. पगारात देखील वाढ झाल्याने आता एसटी कर्मचाऱ्यांनी या गोष्टी मान्य करुन पुढच्या लढा सुरु ठेवत संप मागे घेवून प्रवाश्यांची गैरसोय टाळावी अशी विनंती गुलाबराव पाटील यांनी केली. पगारवाढ देवून देखील एसटी कर्मचारी संप मागे का घेत नाही? याबाबत सदाभाऊ खोत व गोपीचंद पडळकर यांना विचारल्यास एका मिनिटात उत्तर मिळेल, असा टोलाही पालमंत्री पाटील यांनी यावेळी लगावला. वाचाः आमदार चव्हाण यांच्याकडे लायसन्स आहे? चाळीसगाव तालुक्यात असलेल्या कन्नड घाटात पोलिसांकडून ट्रकचालकांकडून जबरजस्तीने वसुली केली जात असल्याचा धक्कादायक प्रकार भाजप आमदार मंगेश चव्हाण यांनी उघडकीस आणला आहे. आमदार चव्हाण यांनी स्वत: ट्रक चालवित आणून या प्रकाराचे स्ट्रिंग ऑपरेशन केले. याबाबत प्रतिक्रीया विचारली असता गुलाबावराव पाटील म्हणाले, आमदार चव्हाण यांनी ट्रक चालविली हे मी देखील पाहिले. त्यांच्याकडे लायसन आहे का? हे मला माहित नाही. मात्र, अश्या प्रकारे पोलिसांनी ट्रक चालकांकडून पैश्यांची वसुली करणे चुकीचेच आहे. त्याचे समर्थन करता येणार नाही. संबधित पोलिसांवर कारवाई करण्यासाठी पोलिस अधीक्षकांना आदेश दिले असल्याची माहीती पालकमंत्री गुलाबराव पाटील यांनी यावेळी दिली. वाचाः
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3EakiPr