कोल्हापूर: स्थानिक स्वराज्य संस्थेच्या कोल्हापूर विधान परिषद निवडणुकीत पालकमंत्री (Satej Patil) यांच्या विरोधात भाजपने अखेर माजी आमदार (Amal Mahadik) यांची उमेदवारी जाहीर केली. यामुळे आता या निवडणुकीत पुन्हा एकदा महाडिक आणि पाटील यांच्यातील संघर्ष पश्चिम महाराष्ट्रात दिसणार आहे. स्थानिक स्वराज्य संस्थेच्या कोल्हापूर विधानपरिषद निवडणुकीसाठी पालकमंत्री सतेज पाटील यांची उमेदवारी निश्चित झाल्याने त्यांनी गेल्या काही महिन्यापासून प्रत्यक्ष प्रचाराला सुरुवात केली आहे. महाविकास आघाडीच्या वतीने ते मैदानात उतरले आहेत. त्यांच्या विरोधात भाजपच्या वतीने तगडा उमेदवार देण्यासाठी गेले काही दिवस प्रयत्न सुरू होते. यातूनच अमल महाडिक, शौमिका महाडिक, सुरेश हाळवणकर आणि राहुल आवाडे यांची नावे चर्चेत होती. वाचा: पाटील यांच्या विरोधात ताकतीने लढण्यासाठी महाडिक यांच्याच घरातील उमेदवार असावा असा आग्रह भाजपच्या काही नेत्यांनी धरल्यामुळे अखेर महाडिक यांची उमेदवारी जाहीर करण्यात आली. भाजपला जनसुराज्य पक्षाने यापूर्वीच पाठिंबा जाहीर केला आहे. आवाडे आणि विनय कोरे गटाच्या पाठिंब्यामुळे भाजपची महाडिक यांची उमेदवारी आता प्रबळ झाली आहे. पालकमंत्री पाटील हे महाविकास आघाडीच्या वतीने मैदानात उतरले आहेत. गेल्या दोन वर्षापासून त्यांनी या मतदारसंघाची जुळणी केल्यामुळे त्यांची तयारी जोरात आहे. शिवाय काँग्रेस, राष्ट्रवादी आणि शिवसेना हे तिन्ही पक्ष सोबत असल्यामुळे आपल्याला २५३ मते सहज मिळतील असा दावा त्यांनी यापूर्वीच केला आहे. महाडीक यांच्या उमेदवारीमुळे विधान परिषद निवडणुकीत आता प्रचंड रंगत येणार आहे. दोघेही प्रबळ उमेदवार असल्यामुळे या निवडणुकीत आर्थिक व्यवहार मोठ्या प्रमाणात होण्याची चिन्हे आहेत. वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3kFUTVW
