औरंगाबाद : दुसरी लाट ओसरत असतानाच आता करोनाच्या ओमिक्रॉन नावाच्या नवीन विषाणूमुळे खळबळ उडाली आहे. त्यामुळे कडक निर्बंध आणण्याच्या सूचना राज्य सरकारकडून जिल्हा प्रशासनाला देण्यात आल्या आहेत. त्यामुळे औरंगाबाद जिल्हा प्रशासनाकडून आजपासून नवीन निर्बंधाची घोषणा करण्यात आली आहे. ज्यात लग्न समारंभ, सार्वजनिक कार्यक्रमाबाबत यापुढे नवीन नियमावली जाहीर करण्यात आली आहे. ( New restrictions in Aurangabad read What are the rules) औरंगाबाद जिल्हाधिकारी यांनी काढलेल्या आदेशानुसार, यापुढे चित्रपटगृह, मंगल कार्यालय, नाट्यगृह किंवा इतर बंदिस्त जागेत होणाऱ्या कार्यक्रमांना क्षमतेच्या ५० टक्के लोकांनाच परवानगी असणार आहे. तर खुल्या जागेतील कार्यक्रमांना क्षमतेच्या २५ टक्केच परवानगी असणार आहे. तसेच शहर आणि ग्रामीम भागातील हातगाडी आणि फेरीवाल्यांचे लसीकरण प्रमाणपत्र तपासले जाणार आहे. त्याचप्रमाणे शहरात येणाऱ्या प्रत्येक माणसाची करोना टेस्ट केली जाणार असून, यासाठी एंट्री पॉईंटवर पथक तैनात करण्यात येणार आहे. सोबतच रेल्वे आणि विमानाने येणाऱ्या प्रवाशांची अँटीजन आणि आरटीपीसीआर तपासणी करण्यात येत आहे. त्यामुळे यापुढे करोनाचे नियम काटेकोरपणे पाळण्याचे आवाहन स्थानिक प्रशासनाने केला असून, नियम न पाळणाऱ्या व्यक्तींच्या विरोधात कठोर कारवाई करण्याचे आदेश वरिष्ठ अधिकाऱ्यांनी दिले आहेत. शाळांचा निर्णय १० डिसेंबरनंतर..... राज्यभरातील शाळा आजपासून सुरू होत आहे. मात्र, ओमिक्रॉनचा धोका लक्षात घेत औरंगाबाद महानगरपालिकेने सावध भूमिका घेतली आहे. त्यामुळे महापालिका हद्दीतील शाळा सुरू करण्याबाबतचा निर्णय १० डिसेंबर नंतरच घेतला जाणार असल्याची माहिती शिक्षणाधिकारी यांनी दिली आहे. (omicron india cases today New restrictions in Aurangabad read What are the rules) (omicron india cases today New restrictions in Aurangabad read What are the rules)
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3I2laI9
