उल्हासनगर : गेल्या दोन वर्षांपासून फरार असलेला उल्हासनगर मधील व्यापाऱ्यांनकडून खंडणी मागणारा सराईत गुंडाला विठ्ठलवाडी पोलिसांनी अटक केली असून,या गुंडाचे महेश नेपाळी असून, त्याच्यावर उल्हासनगर, अंबरनाथ भागात असलेले अनेक गुन्हे उघडकीस येणार आहे. एप्रिल २०१९ मध्ये उल्हासनगरमधील नेताजी चौक परिसरात असलेल्या लक्ष्मी इलेक्ट्रॉनिक दुकानात काम करत असलेल्या कामगार निखिल सातार्डेकर याला आरोपी महेश थापा उर्फ महेश नेपाळी यांने आपला नंबर देत दुकान मालक सुशील तलरेजा याला पाच लाख रुपये खंडणी मागितली होती. खंडणी दिली नाही तर जीवे ठार मारण्याची धमकी दिली होती. याप्रकरणी विठ्ठलवाडी पोलीस स्थानकात आरोपी महेश नेपाळी याच्या विरोधात खंडणीचा गुन्हा दाखल करण्यात आला होता. मात्र, आरोपी नेपाळमध्ये असल्याने गेले दोन वर्ष विठ्ठलवाडी पोलीस या आरोपीच्या शोधात होती. विठ्ठलवाडी गुन्हे प्रकटीकरणाच्या पथकातील पोलीस शिपाई हरेश्वर चव्हाण, पोलीस हवालदार भास्कर पालवे यांना गुप्त बातमीदारा मार्फत महेश नेपाळी हा उल्हासनगरमध्ये आल्याची माहिती मिळाली. त्या माहितीनुसार, वरिष्ठ पोलीस निरीक्षक संजय गायकवाड व गुन्हे प्रकटीकरणाचे पोलीस उपनिरिक्षक हर्षल राजपुत मार्गदर्शनाखाली एक पथक तयार करून उल्हासनगर परिसरात सापळा रचून फिल्मी स्टाईल आरोपीला उल्हासनगरमधून ताब्यात घेत विठ्ठलवाडी पोलिसांनी पुढचा तपास सुरू केला आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3FOGtuy
