नागपूर: पुणे, अकोला महानगरपालिकेने हॉटेल्स सुरू ठेवण्याच्या वेळा वाढवून देण्याचा निर्णय घेतल्यानंतर महानगरपालिकेनेही सोमवारपासूनच शहरातील हॉटेल्ससाठी शिथील करत रात्री १० पर्यंत हॉटेल्स सुरू ठेवण्याला परवानगी दिली. विशेष म्हणजे यासंबंधीचे आदेश रविवारी मध्यरात्री तडकाफडकी काढण्यात आला. शहराच्या हद्दीत हे आदेश काढण्यात आले असले तरी जिल्हाधिकाऱ्यांकडून टास्क फोर्सच्या निर्णयानंतरच यासंबंधीचे आदेश काढण्यात येणार असल्याचे स्पष्ट करण्यात आले आहे. ( ) वाचा: संसर्गाचा प्रादुर्भाव कमी झाल्यानंतरही निर्बंध शिथील करण्यात येत नसल्याने व्यापारी, व्यावसायिक यांच्याकडून राज्य सरकारवर यासाठी दबाव निर्माण करण्यात येत होता. त्यामुळे गेल्या आठवड्यात राज्य सरकारने निर्बंध शिथील करत रात्री आठपर्यंत बाजारपेठा सुरू करण्याला परवानगी दिली. मात्र, हॉटेल्स सुरू ठेवण्याच्या वेळांमध्ये कुठलाही बदल करण्यात आला नव्हता. त्यामुळे शहरातील हॉटेल्स दुपारी ४ नंतर बंद ठेवावे लागत होते. त्यातच अकोला, पुणे महापालिका यांनी हॉटेल्सच्या वेळा वाढवून देण्याचा निर्णय घेतल्यानंतर नागपूर महानगरपालिकेने रविवारी रात्री उशिरा आदेश काढत शहरातील हॉटेल्स रात्री १० पर्यंत सुरू ठेवण्यास परवानगी दिली. त्याचवेळी पुन्हा सुरू करण्यास परवानगी देण्याचा निर्णयही घेतला. त्यातच आता अत्यावश्यक सेवा व अत्यावश्यक सेवेत मोडणारी सर्व दुकाने व बाजारपेठा आठवडाभर सुरू ठेवण्याची परवानगी देण्यात आली आहे. या निर्णयाची अंमलबजावणी सोमवारपासूनच करण्यात आल्याने शहरातील सर्व हॉटेल्स सुरू होती. महापालिकेच्या या निर्णयामुळे हॉटेल व रेस्टारंट मालकांना मोठा दिलासा मिळाला आहे. दुसरीकडे जिल्हाधिकाऱ्यांकडून टास्क फोर्सच्या निर्णयानंतरच यासंबंधीचे आदेश काढण्यात येणार असल्याचे स्पष्ट करण्यात आले आहे. त्यामुळे त्याची प्रतीक्षा सर्वांनाच आहे. वाचा: हे राहणार सुरू - अत्यावश्यक व अत्यावश्यक नसलेल्या सेवांची दुकाने, मॉल्स रात्री ८ पर्यंत खुले ठेवता येणार. - रेस्टॉरंट, बार, फूड कोर्ट रात्री १० वाजेपर्यंत (५० टक्के क्षमतेने) सुरू ठेवता येणार - पार्सल, होम डीलीव्हरी सेवा रात्री ११ वाजेपर्यंत. - सर्व क्रीडा प्रकार (जलतरण व निकटचा संपर्क येणारे क्रीडा प्रकार वगळून) - लग्नसमारंभ (सभागृहाच्या क्षमतेपेक्षा ५० टक्के किवा ५० व्यक्ती यापेक्षा जे कमी आहे ते) ३ तासांची मर्यादा - कोचिंग क्लासेस (५० टक्के क्षमतेने, रात्री आठ वाजेपर्यंत) वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3CzIIkC
