धुळे: राज्यात जिल्ह्यानंतर जिल्ह्याने विरुद्धच्या लढईत मोठे यश मिळवले आहे. धुळे हा राज्यातील दुसरा करोनामुक्त जिल्हा ठरला आहे. धुळे जिल्हयात मंगळवार दि. १० ऑगस्ट रोजी एकही करोना बाधित सक्रिय रुग्ण नव्हता. तब्बल सतरा महिन्यांनंतर जिल्ह्यात करोना रुग्णसंख्या शून्यावर आली आहे. मंगळवारी तपासणीसाठी आलेल्या १ हजार ३९ अहवालांपैकी सर्वच्या सर्व अहवाल निगेटिव्ह असल्याचे स्पष्ट झाले. त्यामुळे जिल्ह्याला सर्वात मोठा दिलासा मिळाला आहे. दरम्यान, जिल्ह्यातील नागरिकांची जबाबदारी आता वाढली असून सर्वांनी करोना प्रतिबंधात्मक नियमांचे पालन करणे गरजेचे असल्याची प्रतिक्रिया भाऊसाहेब हिरे शासकीय वैद्यकीय महाविद्यालयातील जिल्हा करोना नोडल अधिकारी डॉ. यांनी मटा ऑनलाइनशी बोलताना दिली. ( ) वाचा: गेल्यावर्षी मार्च महिन्यात करोना महामारी देशासह महाराष्ट्रात वेगाने पसरली. यामुळे देशभर लावण्याचा निर्णय घेण्यात आला. त्यावेळी धुळे जिल्ह्यातील साक्री तालुक्यात दि. १० एप्रिल २०२० रोजी करोना संसर्गाचा पहिला रुग्ण आढळून आला होता. रुग्णाच्या मृत्यूनंतर त्याचा करोना अहवाल पॉझिटिव्ह आला होता. त्यामुळे जिल्हाभरातील आरोग्य यंत्रणा खडबडून जागी झाली व नागरिकांमध्येही भीती निर्माण झाली होती. मात्र, आरोग्य यंत्रणा तातडीने सर्वत्र सक्रिय झाल्याने जिल्ह्यात स्थिती नियंत्रणात राहिली. करोना संसर्गाच्या पहिल्या व दुसऱ्या लाटेतही रुग्णांवर योग्य आणि वेळीच उपचार झाले. परिणामी जिल्ह्यात ४५ हजार ८४३ करोना बाधित रुग्णांपैकी ४५ हजार १२३ जण करोनामुक्त झाले आहेत. दुसरीकडे जिल्ह्यात ६६८ जणांना करोनामुळे आपला जीव गमावावा लागला आहे. वाचा: धुळे जिल्ह्यात सतरा महिन्यांपासून दहशत पसरवणाऱ्या करोनापासून धुळेकरांची मंगळवार दि. १० ऑगस्ट रोजी मुक्ती झाली आहे. मंगळवारी जिल्ह्यात करोनाचा एकही सक्रिय रुग्ण नव्हता. यावर जिल्हा करोना नोडल अधिकारी डॉ. विशाल पाटील यांनी समाधान व्यक्त केले आहे. लोकसहभाग व जिल्हा प्रशासनाच्या एकत्रित प्रयत्नांमुळे हे शक्य झाले आहे. जिल्हा करोनामुक्तीसाठी भाऊसाहेब हिरे शासकीय रुग्णालय, जिल्हा रुग्णालय, शिरपुर-दोंडाईचा उपजिल्हा रुग्णालय तसेच साक्री, पिंपळनेर, सोनगीर, शिंदखेडा ग्रामीण रुग्णालय व सर्व प्राथमिक आरोग्य केंद्रांतील वैद्यकीय अधिकारी व कर्मचाऱ्यांनी अथक परिश्रम केल्यानेच धुळे जिल्हा संपूर्ण करोनामुक्त झाला असल्याचे डॉ. विशाल पाटील म्हणाले. वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3fVhNGx
