मुंबई: येत्या १५ ऑगस्टपासून लोकल ट्रेन सर्वसामान्यांसाठी खुली करण्याचा निर्णय मुख्यमंत्री यांनी काल जाहीर केला. मात्र, प्रवासासाठी टाकलेल्या अटींवरून भाजपनं तीव्र नाराजी व्यक्त केली आहे. 'मुख्यमंत्र्यांनी लोकल प्रवासाला परवानगी देण्याचा निर्णय घेतला असला तरी नियम आणि अटींचा गुंता करून सोपा प्रश्न अवघड करून ठेवला आहे. प्रत्यक्षात सामान्यांना सहजपणे लोकलप्रवास करता येणार नाही, अशी व्यवस्था करून ठेवली आहे, अशी टीका भाजपचे प्रवक्ते यांनी केली आहे. () 'लोकल प्रवासासाठी राज्य सरकारनं ज्या अटी ठेवल्या आहेत, त्या पाहता सामान्यांना सहजपणे प्रवास करता येणार नाही. सगळ्या गोंधळाचं खापर रेल्वे विभागावर फुटेल अशी व्यवस्था करून ठेवण्यात आली आहे. रेल्वेकडून लोकलसेवा आधीपासून चालू आहे आणि करोनाच्या नियंत्रणाचे सर्व अधिकार आणि जबाबदारी राज्य सरकारची आहे. अशा स्थितीत मुख्यमंत्र्यांनी सामान्यांच्या परवानगीसाठी सकारात्मक दृष्टीकोन ठेवायला हवा होता. त्यांनी अहंकारापोटी सामान्य मुंबईकरांशी असा खेळ करायला नको होता,' असं उपाध्ये यांनी म्हटलं आहे. वाचा: 'लोकल प्रवास करायचा असेल तर सर्वसामान्यांना राज्य सरकारच्या ॲपवर नोंदणी करण्याची अट मुख्यमंत्र्यांनी घातली आहे. प्रत्यक्षात केंद्र सरकारनं तयार केलेल्या आरोग्य सेतू ॲपवर बहुतेक मुंबईकरांनी नोंदणी केली आहे व त्यावर लसीकरण झालं की नाही याची स्पष्ट नोंद आहे. ही तयार सुविधा वापरून सामान्यांची सोय करण्याऐवजी मुख्यमंत्र्यांनी त्यांचे ॲप वापरा नाही तर महापालिकेकडून पास घ्या असं कोडं घातलं आहे. सोपा प्रश्न अवघड करण्याचा हा प्रकार आहे,' असं उपाध्ये यांनी म्हटलं आहे. वाचा: 'दोन डोस घेतलेल्यांना लोकल प्रवासाची परवानगी देताना प्रवाशांची लशीबाबत तपासणी करण्याची यंत्रणा निर्माण करण्याची जबाबदारी व अधिकार राज्य सरकारकडे आहेत. पण मुख्यमंत्र्यांनी सामान्यांच्या लोकल प्रवासात लशीच्या दोन डोसच्या अटीची पूर्तता कशी होणार याची व्यवस्था निश्चित केलेली नाही तसेच या बाबत रेल्वेशी विचारविनिमय केला नाही,' असा आरोप उपाध्ये यांनी केला आहे. 'मुख्यमंत्र्यांनी अहंकार बाजूला ठेवून सामान्य लोकांच्या हिताला महत्त्व द्यावं आणि त्यांचा लोकलप्रवास सहजपणे होईल यासाठी राज्य सरकारची यंत्रणा निर्माण करावी. तसेच रेल्वेशी समन्वय साधावा,' असं आवाहनही त्यांनी केलं आहे. वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3fIGlSM
