मुंबईः महाराष्ट्र लोकसेवा आयोगाच्या (एमपीएससी) परीक्षेत उत्तीर्ण होऊनही अद्याप नोकरी न मिळाल्यामुळे पुण्यातील स्वप्निल लोणकर या तरुणानं आत्महत्या केली. स्वप्निलच्या आत्महत्येचे पडसाद राज्यभरात उमटले असतानाच विधिमंडळातही भाजपनं हा मुद्दा उपस्थित करत सरकारला घेरलं आहे. विरोधकांना उत्तर देताना राज्याचे उपमुख्यमंत्री यांनी एमपीएससीबाबत महत्त्वाची घोषणा केली आहे. ३१ जुलै २०२१पर्यंत सर्व रिक्त पदे भरण्यात येतील, असं आश्वासन अजित पवारांनी दिलं आहे. विधिमंडळाचं कामकाज सुरु झाल्यानंतर विरोधकांनी एमपीएससीचा प्रश्न उपस्थित करत सरकारची कोंडी करण्याचा प्रयत्न केला. भाजप नेते सुधीर मुनगंटीवार यांनी स्पप्निल लोणकरच्या कुटुंबीयांना ५० लाखांची मदत देण्याची मागणी केली होती. यावेळी विरोधकांच्या आरोपांवर उत्तर देताना अजित पवारांनी सरकारची भूमिका स्पष्ट केली आहे. वाचाः 'एमपीएससी परीक्षा उत्तीर्ण झालेल्या स्वप्निल लोणकर या उमेदवाराच्या आत्महत्येचा मुद्दा उपस्थित केला. ही बाब वेदनादायी आहे. अशी घटना कोणाच्याही बाबतीत घडू नये,' असं अजित पवार यांनी म्हटलं आहे. 'स्वप्निलनं असं करायला नको होतं. अशी सगळ्यांचीच भावना आहे. काल झालेल्या बैठकीत मुख्यमंत्र्यांनी स्पष्ट भूमिका घेतली. या विषयावर सर्वांनीच भूमिका मांडली. सरकारने ही गोष्ट गांभीर्यांनं घेतली आहे. सरकार ३१ जुलै २०२१ पर्यंत एमपीएससीच्या संपूर्ण रिक्त जागा भरेल. यात कोणता अडथळा येणार नाही,' अशी घोषणा अजित पवार यांनी आज सभागृहात केली. वाचाः 'एससीबीसी प्रवर्गासंदर्भातील निर्णयाला ९ सप्टेंबर २०२० रोजी सर्वोच्च न्यायालयाने स्थगिती दिली. त्यामुळे सर्व प्रक्रिया थांबवावी लागली. त्यामुळे परीक्षेत उत्तीर्ण झालेल्यांच्या मुलाखती होऊ शकल्या नाहीत. याच दरम्यान, कोविडची साथ आली. यात एमपीएससी आयोगाला स्वायत्तता दिलेली असल्याने आयोगाने परीक्षा रद्द केल्या. मुख्यमंत्र्यांनी तातडीने हस्तक्षेप केला. आयोगाच्या अध्यक्षांशी संपर्क केला. स्वायत्तता दिलेली असली, तरी अशा प्रकारचा निर्णय घेण्याचा निर्णय योग्य नाही, असं मुख्यमंत्र्यांनी अध्यक्षांना सांगितलं,' असं अजित पवार म्हणाले आहेत. वाचाः
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3hho54l
