ठाणे : ठाण्यात बुधवारी फुटपाथवर एक मृतदेह आढळून आल्यानंतर परिसरात एकच खळबळ उडाली आहे. सगळ्यात धक्कादायक बाब म्हणजे हा मृतदेह एका पोलीस कॉन्स्टेबलचा असल्याचे समोर येत आहे. हे पोलीस कॉन्स्टेबल औरंगाबादमधील असून त्यांचा ठाण्यात मृतदेह कसा आढळला याचा पोलीस शोध घेत आहेत. टाइम्स ऑफ इंडियाने दिलेल्या माहितीनुसार, मृतक पोलीस कर्मचाऱ्याचे नाव बळीराम मोरे असून ते 40 वर्षांचे आहेत. बुधवारी ठाण्याच्या बाजारपेठ परिसरात फुटपाथवर बळीराम मोरे यांचा मृतदेह आढळून आल्याने पोलीस दलातही खळबळ उडाली आहे. घटनेची माहिती मिळताच पोलीस घटनास्थळी दाखल झाले असून त्यांनी बळीराम मोरे यांचा मृतदेह ताब्यात घेतला आहे. मृतदेहाची ओळख पटली असता ते औरंगाबाद येथील पोलिसांच्या मोटार परिवहन विभागात कार्यरत असल्याची माहिती समोर आली आहे. याप्रकरणी औरंगाबाद पोलिसांशी संपर्क करण्यात आली आला असून अधिक माहिती घेण्याचे काम सुरू आहे. तर बळीराम मोरे यांची प्रकृती ठीक नसल्याने ते सिक लिव्हर होते अशी माहिती पोलीस दलाकडून देण्यात आली आहे. सध्या या प्रकरणाची चौकशी सुरू असून अपघाती मृत्यूची नोंद करण्यात आली आहे. तर बळीराम मोरे हे औरंगाबादहुन मुंबईला कसे आले? ठाण्यात त्यांची हत्या केली की त्यांनी आत्महत्या केली? या सगळ्याचा तपास सध्या पोलीस करत आहेत. इतकंच नाही तर या प्रकरणात त्यांच्या कुटुंबीयांची काही शोध घेण्याचं काम सुरू आहे. त्यांचीही चौकशी केली जाणार असल्याची माहिती पोलिसांनी दिली आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3xcsPgm
