म. टा. प्रतिनिधी । हडपसर रामटेकडी येथे महापालिकेच्या कचरा डेपोमध्ये लाखो टन कचरा पडून असून त्यावर कुठलीही प्रक्रिया न करता कोट्यवधींची बिले काढण्यात आली आहेत. महापालिकेतील सत्ताधाऱ्यांचा यात हात असून या भ्रष्टाचाराची सीबीआय व ईडी मार्फत चौकशी करण्यात यावी', अशी मागणी राष्ट्रवादी काँग्रेसच्या खासदार यांनी केली आहे. ( Demands CBI Inquiry in ) सुप्रिया सुळे यांनी आज सकाळी रामटेकडी व उरळीदेवाची येथील कचरा प्रकल्पाची पाहणी केली. यावेळी आमदार चेतन तुपे, आमदार संजय जगताप, शहर राष्ट्रवादी काँग्रेसचे अध्यक्ष प्रशांत जगताप, नगरसेवक आनंद आळकुंटे, योगेश ससाने, वैशाली बनकर, निलेश मगर आदी उपस्थित होते. वाचा: रामटेकडी येथील महापालिकेच्या रॉकेम प्रकल्पाशेजारच्या तेरा एकर जागेमध्ये पुणे बायोमायनिंग नावाने कचरा प्रकल्प उभा राहिला आहे. हा प्रकल्प सुरू होत असताना भाजप वगळता सर्व पक्षाचे नगरसेवक व तत्कालीन खासदार शिवाजीराव अढळराव पाटील, माजी आमदार महादेव बाबर यांनी आंदोलन करून विरोध केला होता. मात्र, महापालिकेतील बहुमताच्या जोरावर हा कचरा डेपो उभारण्यात आला. येथील कचऱ्याच्या दुर्गंधीमुळे हडपसर, ससाणेनगर, सयदनगर व काळेपडळ या परिसरातील रहिवाशांना दुर्गंधीला सामोरे जावे लागत आहे. येथील जलस्रोत दूषित झाले आहेत. तसंच, ससाणेनगर येथे खासगी शाळा असल्याने येथील हजारो विद्यार्थ्यांच्या आरोग्यावर परिणाम होत आहे. वाचा: याकडं लक्ष वेधण्यासाठी स्थानिक नगरसेवक योगेश ससाने यांनी खासदार डॉ. अमोल कोल्हे, आमदार चेतन तुपे यांच्यासमवेत महापालिकेचे तत्कालीन आयुक्त सौरभ राव यांनी पाहणी केली होती. तेव्हा येथील कचऱ्यावर प्रक्रिया करण्याचं आश्वासन देण्यात आलं होतं. प्रत्यक्षात काहीच झाले नाही. येथील डेपोमध्ये केवळ रोजच्या रोज कचरा टाकला जात आहे. त्यामुळं इथं कचऱ्याचे डोंगर उभे राहिले आहेत. कचऱ्यावर प्रक्रिया न करताच ती केल्याची बिले काढली जात आहेत. या माध्यमातून पुणेकरांच्या पैशाची लूट केली जात असल्याचा आरोप राष्ट्रवादी काँग्रेसनं केला आहे. हाच मुद्दा पकडून सुप्रिया सुळे यांनी या भ्रष्टाचाराची सीबीआय व ईडीमार्फत चौकशी करण्याची मागणी केली आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3A3z1dd
