पुणे: जेष्ठांच्या व दिव्यांग नागरिकांच्या सोयीसाठी पुण्यातील इथं 'ड्राइव्ह इन व्हॅक्सिनेशन सेंटर' उभारण्यात आलं आहे. उपमुख्यमंत्री यांच्या हस्ते आज या सेंटरचं ऑनलाइन उद्घाटन करण्यात आलं. 'करोना प्रतिबंधक लस अधिकाधिक संख्येत उपलब्ध करून देण्याचा राज्य सरकार सर्वतोपरी प्रयत्न करत असून राज्यातील प्रत्येक पात्र नागरिकाला लस देण्यासाठी राज्य सरकार कटिबद्ध आहे. हे सेंटर जेष्ठ नागरिक व दिव्यांगांना सुलभ सेवा देणारे ठरेल,' असा विश्वास अजित पवार यांनी यावेळी व्यक्त केला. ( Inaugurates at ) वाचा: राज्यासह शहरातील करोनाबाधितांची संख्या कमी होत आहे, ही समाधानाची बाब असली तरी संभाव्य तिसऱ्या लाटेचा धोका लक्षात घेत खबरदारी घेण्याची गरज असल्याचं अजित पवार म्हणाले. करोना संकटावर मात करण्यासाठी डॉक्टर, नर्सेस आदींसह राज्याची आरोग्य यंत्रणा सर्वशक्तीनिशी लढत आहे. करोनाला हरविण्यासाठी राज्यातील प्रत्येक नागरिकाला लस देण्यासाठी शासन सातत्याने प्रयत्नशील आहे. परदेशातून लस खरेदी करण्याचीही शासनाची तयारी आहे. लस उत्पादक 'भारत बायोटेक'च्या प्लॅन्टसाठी पुण्यात तातडीने जागा उपलब्ध करून देण्यात आली असून येथेही लवकरच लसीचे उत्पादन सुरू होईल, या माध्यमातून करोना प्रतिबंधक लसीकरण वेगाने पूर्ण करण्यासाठी राज्य शासनाचा प्रयत्न आहे, असं त्यांनी यावेळी सांगितलं. वाचा: 'करोनाच्या दुसऱ्या लाटेचा आपण यशस्वीपणे सामना करतो आहोत, संभाव्य तिसऱ्या लाटेचा धोका लक्षात घेता कोणत्याही परिस्थितीत बेसावध राहून चालणार नाही. राज्य सरकारनंही तिसऱ्या लाटेचा धोका लक्षात घेता बालरोग तज्ज्ञांचा टास्क फोर्स तयार केला आहे. पावसाळ्यात करोना सोबत इतर संगर्सजन्य आजार वाढणार नाहीत, याबाबतही दक्ष राहण्याच्या सूचना देत आपण सर्वांनी एकजुटीने करोना संकटाचा सामना करायचा आहे. करोनाला हरविण्यासाठी मार्गदर्शक सूचनांचे नागरिकांनी काटेकोरपणे पालन करावं, असं आवाहनही त्यांनी केलं. खासदार डॉ. अमोल कोल्हे, वंदना चव्हाण, आमदार चेतन तुपे आदी व्हिडिओ कॉन्फरन्सिंगच्या माध्यमातून या कार्यक्रमात सहभागी झाले होते. वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3vIcQa0
