मुंबई: ओमिक्रॉनची वाढती रुग्णसंख्या लक्षात घेता मुंबई पोलिसांनी मोठा निर्णय घेतला आहे. पोलिसांनी घेतलेल्या निर्णयानुसार आजपासून १२ डिसेंबरच्या रात्रीपर्यंत मोर्चे काढणे, आंदोलने करणे आणि रॅली काढण्याला परवानगी नाकारण्यात आली आहे. या कालावधीत कोणत्याही प्रकारच्या आंदोलनाला परवानगी देण्यात येणार नाही, असे मुंबई पोलिसांनी स्पष्ट केले आहे. मुंबई पोलिसांनी जारी केलेल्या नव्या आदेशानुसार आजपासून रात्रीपासून १२ डिसेंबरच्या रात्रीपर्यंत मुंबईत मोर्चा, रॅली किंवा कोणत्याही आंदोलनाला परवानगी देण्यात आलेली नाही. ओमिक्रॉनचा फैलाव रोखता यावा यासाठी मुंबई पोलिसांनी हे पाऊल उचलले आहे. क्लिक करा आणि वाचा- खरे म्हणजे अमरावती, नांदेड येथील हिंसाचाराच्या पार्श्वभूमीवर मुंबई पोलिसांनी हा निर्णय घेतला आहे. याबाबत पोलिसांनी जारी केले आहेत. अमरावती, नांदेडमध्ये झालेल्या हिसाचाराचाही संदर्भ पोलिसांच्या या आदेशाला आहेत. करोनाचा नवा व्हेरिएन्ट ओमिक्रॉनचे रुग्ण राज्यात आणि मुंबईत आढळत असून त्याचा प्रसार रोखण्यासाठीची उपाययोजना म्हणून आता मुंबईत रॅली, आंदोलन आणि सभांना परवानगी देता येणार नाही, असे मुंबई पोलिसांनी आपल्या आदेशात म्हटले आहे. क्लिक करा आणि वाचा- मुंबईत काल आढळले ओमिक्रॉनचे ३ नवे रुग्ण दरम्यान, राज्यात काल शुक्रवारी ओमिक्रॉनची लागण झालेल्या एकूण ७ नव्या रुग्णांचे निदान झाले आहे. या ७ रुग्णांपैकी ३ रुग्ण मुंबईत, तर ४ रुग्ण पिंपरी चिंचवडमध्ये आढळले आहेत. यामुळे आता राज्यातील एकूण रुग्णांची संख्या आता १७ वर पोहोचली आहे. मुंबईत निदान झालेले ३ रुग्ण हे ४८, २५ आणि ३७ वर्षांचे पुरुष आहेत. त्यातील ४८ वर्षीय पुरूष हा टांझानियातून आला, तर २५ वर्षीय तरुण हा इंग्लंडमधून आणि ३७ वर्षीय व्यक्ती ही दक्षिण आफ्रिकेतील नैरोबी या देशांमधून प्रवास करून आलेली आहे. क्लिक करा आणि वाचा- याबरोबरच पुण्यातील पिंपरी चिंचवडमध्ये आढललेले ४ ही रुग्ण हे नायजेरियावरुन आलेल्या ओमायक्रॉन बाधित महिलेचे नातेवाईक असल्याचे स्पष्ट झाले आहे. काल आढळलेल्या ७ रुग्णांपैकी एकूण ४ जणांचे लसीकरण पूर्ण झाले आहे. तर त्यातील एका रुग्णाने लसीचा एकच डोस घेतला आहे. एका रुग्णाचे मात्र लसीकरण झालेले नाही.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3ynHDek
