मुंबई: विधानसभेतील विरोधी पक्षनेते यांनी राज्याचे अल्पसंख्याक मंत्री यांच्यावर अंडरवर्ल्डच्या संबंधांबाबत केलेले आरोप मलिक यांनी फेटाळून लावले आहेत. मालमत्ता खरेदी प्रकराच्या मुद्द्यावर देवेंद्र फडणवीस हे राईचा पर्वत बनवत आहेत. त्यांनी कुठेही जावे आम्ही तयार आहोत. असत्याचा डोलारा उभा करून कोणाची प्रतिमा मलीन होईल, असे तुम्हाला वाटत असेल तर तुम्ही गैरसमजात आहात. मालमत्ता खरेदी व्यवहाराची सर्व कागदपत्रे उपलब्ध आहेत, असे सांगत मलिक यांनी जमीन खरेदीचा व्यवहार नेमका कोणामध्ये आणि कसा झाला याची माहिती दिली आहे. (nawab malik challenges and explains how the property was purchased) 'तुम्हाला माहिती देणारे 'कच्चे खिलाडी'' मलिक म्हणाले की, आज एका जागेशी संबंधित काही कागदपत्रे तुम्ही लोकांसमोर आणली. दीड लाख फुटांची जमीन कवडीमोल किंमतीत एका माफियाच्या मार्फत आम्ही खरेदी केली, असा आरोप देवेंद्र फडणवीस यांनी लावला आहे. हे ऐकूण आम्हाला असे वाटते की तुम्हाला माहिती देणारे लोक 'कच्चे खिलाडी' आहेत. तुम्ही जर सांगितले असते तर मीच तुम्हाला सर्व कागदपत्रे दिली असती. आणखीही काही कागदपत्रे उपलब्ध करून दिली असती. मात्र तुम्ही अंडरवर्ल्डचा खेळ सुरू केला आहे. क्लिक करा आणि वाचा- फडणवीस यांनी आरोप केला की त्या जमिनीवर बनावट भाडेकरू तयार केले गेले. त्या जागेवर मदिरातुल अमान नावाची हाउसिंग सोसायटी आहे. १९८४ मध्ये तेथे इमारत बनली. गोवावाला कंपाउंड नावाने ओळखली जाते. ज्यात मुनीरा पटेल यांनी रस्सीवाला यांना विकासाचे अधिकार देत सुमारे १४० ते १५० सर्वसामान्यांना ते विकले. आजही ती सोसायटी तेथे आहे. त्याच्या मागे झोपडपट्टीचा भाग आहे. तेथे एक आमचे गोदाम आहे. ते सॉलिडस कंपनीच्या ३० वर्षांपूवी ते मुनीरा यांच्याकडून लीजवर आहे. पुढे त्याच मालमत्तेत ४ दुकान होते. मी तेथील भाडेकरू होतो. मुनीरा यांनी संपर्क करून गोदामाची संपूर्ण मालकी देऊ इच्छित असल्याचे त्यांनी आम्हाला सांगितले. आम्ही ती मालकी घेतली. त्यांचा पॉवर ऑफ अॅटर्नी सलीम पटेल त्यांच्याकडून रजिस्ट्रेशन करून घेतले. ती सर्व कागदपत्रे उपलब्ध आहेत. आम्ही सर्व स्टॅम्प ड्युटी भरली. त्याचे सर्व पुरावे आहेत, असे मलिक यांनी सांगितले. क्लिक करा आणि वाचा- मग, सरदार वली खान याचा काय संबंध? सरदार वली खान याचा उल्लेख करत याचा संबंध आमच्याशी जोडण्याचा प्रकार चुकीचा असल्याचे मलिक यांनी म्हटले आहे. त्या कंपाउंडमध्ये वली खानचे घर आजही आहे. त्याचे वडील गोवावाला कुटुंबीयांच्या वॉचमेनप्रमाणे काम करत होते. जेव्हा आम्ही गोवावालाकडून मालमत्ता घेतली, तेव्हा ३०० मीटरपर्यंत सरदार वली खान यांनी आपले नाव चढवले होते. जेव्हा मालमत्तेची नोंदणी करायला गेलो तेव्हा आम्ही ३०० मीटरचे पैसे देऊन त्यांनी त्यांचा हक्क निर्माण केला होता तो विकत घेतला. आजही आमच्या घराच्या मागे ती सर्व जागा आहे. आमचे गोदामही तेथे आहे. जी पुढे इमारत आहे त्या इमारतीत आमची चार दुकाने आहेत. ती भाड्याने दिलेली आहेत. तेव्हाही ती होतीच. मालमत्ता घेतली तेव्हा गोवावाला इमारतीत ८ दुकाने आणि ८ घर ही सर्व मालमत्ता आमची झाली. यात कोणत्याही पद्धतीने अंडरवर्ल्डच्या दबावाने किंवा बॉम्बस्फोटाशी संबंधित व्यक्तीकडून आम्ही ही मालमत्ता खरेदी केलेली नाही, असे मलिक यांनी स्पष्ट केले. क्लिक करा आणि वाचा-
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3D1aFBZ