मुंबई: मुंबई प्रकरणात खंडणीखोरीचा आरोप करण्यात आल्यानंतर अनेक बाबी समोर येत आहेत. त्यात आता पंच साक्षीदार प्रभाकर साईल याच्या प्रतिज्ञापत्रात ज्या सॅम नावाच्या व्यक्तीचा उल्लेख आला आहे तो समोर आला असून त्याने जी माहिती दिली आहे त्यातून या प्रकरणाला नवी कलाटणी लागली आहे. ( ) वाचा: क्रूझ ड्रग्ज पार्टी प्रकरणात अभिनेता याचा मुलगा याला अटक करण्यात आली होती. त्याची तब्बल २६ दिवसांनंतर जामिनावर सुटका झाली आहे. दरम्यान, आर्यन याला सोडण्यासाठी २५ कोटींची मागणी करण्यात आली होती आणि त्यातील ८ कोटी रुपये एनसीबीचे मुंबई विभागीय संचालक समीर वानखेडे यांना मिळणार होते, असा दावा याच प्रकरणातील पंच साक्षीदार प्रभाकर साईल याने केला होता. आणि सॅम या दोघांत याबाबत बोलणं झाल्याचा प्रभाकरचा दावा आहे. यातील किरण गोसावी याला पुणे पोलिसांनी फसवणुकीच्या अन्य प्रकरणात अटक केली असताना आता सॅम डिसूझा समोर आला आहे. वाचा: किरण गोसावी हा फ्रॉड माणूस असल्याचे सांगत डिसूझा याने मोठा गौप्यस्फोट केला आहे. या प्रकरणाशी माझा काहीही संबंध नाही. सुनील पाटील या व्यक्तीचा मला फोन आला होता. क्रूझ ड्रग्ज पार्टीशी संबंधित महत्त्वाची माहिती आहे आणि एनसीबीशी कॉन्टॅक्ट कर असं त्याने मला सांगितलं. पाठोपाठ मला किरण गोसावीचा फोन आला. मला यात पडायचं नव्हतं. त्यामुळे मी काही अधिकाऱ्यांचे नंबर त्याला दिले. त्यानंतर रात्री साडेआठच्या सुमारास या पार्टीबाबत अपडेट्स येणार असल्याचा फोन परत गोसावीने केला. तेव्हा मी किरण गोसावीला भेटलो. नंतर मला सुनील पाटीलचा फोन आला. यात कुणी सेलिब्रिटीचा मुलगा आहे का चेक कर, असे त्याने मला सांगितले, असे नमूद करत सॅम याने घटनाक्रम सांगितला आहे. वाचा: आर्यन खान याच्याकडे ड्रग्ज सापडलेलं नाही. तो निर्दोष आहे. त्यामुळे त्याला मदत केली पाहिजे, असे मला गोसावीने सांगितले. केस क्लीयर असल्याने मी मध्यस्थी करण्यास तयार झालो. गोसावीने आर्यनचा व्हॉइस कॉलही रेकॉर्ड केला होता. 'पापा, आयएम अॅट एनसीबी' असं त्यात आर्यन बोलत आहे, असा दावा सॅमने केला. त्याच रात्री मी, किरण गोसावी, पूजा ददलानी आणि चिकी पांडे अशी भेट झाल्याचा दावाही सॅम याने केला. या प्रकरणात ५० लाख रुपये टोकन अमाउंट घेण्यात आली होती. मात्र, चीटिंग होतेय असे लक्षात आल्यावर ही रक्कम मी परत करायला लावली. गोसावीकडून ३८ लाख परत आले आणि प्रभाकर साईलकडून ५ लाख आले. त्यात ८ लाख रुपये घालून ५० लाख रुपये शाहरुख खान याच्या माणसांपर्यंत परत पोहचवण्यात आले. यात सुनील पाटील मध्यस्त होता. मी फक्त त्याच्या संपर्कात होतो, असेही सॅम म्हणाला. सुनील पाटील हा पॉवर ब्रोकर असून त्याचे राजकारणी लोकांशी चांगले संबंध आहेत. ते मूळचे धुळ्याचे असून दिल्ली आणि गुजरातमध्ये त्याचं वास्तव्य असतं. या पार्टीची टीपही पाटील याच्याकडूनच मला मिळाली होती. यात माझा काहीही संबंध नाही, असेही सॅमने सांगितले. गोसावी हा फ्रॉड माणूस आहे आणि वेळ आल्यावर मी सगळी माहिती उघड करेन, असेही सॅमने सांगितले. सॅमने एनसीबीचे अधिकारी विश्वविजय सिंग यांचेही नाव घेतले. सॅम डिसूझा याने एबीपी माझा या वृत्तवाहिनीशी बोलताना ही खळबळजनक माहिती दिली. डीलबाबत मला माहीत नाही शाहरुखसोबत डील झाले होते की नाही मला माहीत नाही. मात्र, किरण गोसावी हा यात चीटिंग करत होता. त्याने सुनील पाटील याच्यामार्फत संपर्क साधून व्यवहार केला होता. जेव्हा मला हा खोटेपणा कळला तेव्हा मी मध्यस्थीस नकार दिला. त्यानंतर मीच पैसे परत करायला लावले, असा दावा सॅम याने केला. मी प्रतिज्ञापत्र सादर करणार असून पोलीस तपासास सहकार्य करणार असल्याचेही सॅमने सांगितले. वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3GGZG2H
