मुंबई: कॉर्डेलिया क्रूझ ड्रग्ज पार्टी प्रकरणात तपासाची चक्रे वेगानं फिरू लागली असून एनसीबीच्या एसआयटी बरोबरच मुंबई पोलीसही 'अॅक्शन मोड'मध्ये आले आहेत. ड्रग्ज प्रकरणातील खंडणीच्या आरोपांच्या चौकशीसाठी मुंबई पोलिसांनी नेमलेल्या एसआयटीनं अभिनेता () याची मॅनेजर () हिला समन्स बजावलं आहे. कॉर्डेलिया क्रूझवरील ड्रग पार्टीवर एनसीबीनं केलेल्या कारवाईत शाहरुख खान याचा मुलगा आर्यन खानसह १३ जणांना अटक करण्यात आली होती. या प्रकरणात आर्यन खान जवळपास महिनाभर कोठडीत होता. सध्या तो जामिनावर आहे. मात्र, समीर वानखेडे यांच्या नेतृत्वाखाली एनसीबीच्या टीमनं केलेल्या अनेक कारवाया बोगस असून खंडणीसाठी घडवून आणल्याचा आरोप झाल्यानंतर एनसीबीनं सहा प्रकरणांचा नव्यानं तपास सुरू केला आहे. त्यासाठी एसआयटी नेमली आहे. या टीमनं कालपासून संबंधित प्रकरणांतील आरोपींची चौकशी सुरू केली. आर्यन खानलाही एनसीबीनं समन्स बजावल्याचं समजतं. दुसरीकडं, या प्रकरणातील खंडणीच्या आरोपांचा तपास करणाऱ्या मुंबई पोलिसांच्या एसआयटीनं तपासाची व्याप्ती वाढवली आहे. वाचा: त्याच अंतर्गत मुंबई पोलिसांच्या एसआयटीनं पूजा ददलानी हिला समन्स बजावलं आहे. तिला शनिवारी चौकशीसाठी हजर राहण्यास सांगण्यात आलं होतं. मात्र, प्रकृतीचं कारण देत पूजानं वेळ मागून घेतल्याचं सूत्रांकडून समजतं. आर्यन प्रकरणातील प्रमुख पंच साक्षीदार किरण गोसावी यानं शाहरुख खानकडून ५० लाख रुपयांची खंडणी घेतल्याचा आरोप अन्य साक्षीदारांनी केला आहे. ही रक्कम पूजा ददलानी हिनंच गोसावी याला दिली होती, असं समोर आलं आहे. याच प्रकरणाचा तपास करत आहेत. वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/31uc2en
