पुणे, नाशिकनंतर सांगलीतही खासगी शिवशाही बस सुरू; आंदोलक मात्र ठाम

म. टा. प्रतिनिधी, सांगलीः पुणे आणि नाशिक नंतर आता सांगलीतही खाजगी (shivshahi bus) बस सुरु करण्यात आली आहे. तसंच, सांगली आगाराच्या गेटसमोर बसलेल्या एसटी कर्मचारी आंदोलकांनाही हटवण्यात आले आहे. सांगली- पुणे मार्गावर शिवशाही बस सेवा सुरू केल्यानंतर आता इतर मार्गांवरही शिवशाहीची बस सेवा सुरू केली जाणार असल्याचे आगार प्रमुखांनी स्पष्ट केले आहे. दरम्यान, मागण्या मान्य झाल्याशिवाय संप मागे घेणार नसल्याचा निर्धार कर्मचाऱ्यांनी केला आहे. ( continues) राज्य सरकारकडून वारंवार आवाहन करूनही एसटी कर्मचारी कामावर परत येत नसल्याने, अखेर राज्य सरकारने खासगी शिवशाहीची वाहतूक सुरू केली आहे. नाशिक आणि पुण्यानंतर आज सांगली आगारातून शिवशाहीची बस सोडण्यात आली. सांगली ते पुणे मार्गावर शिवशाही सुरू केल्यानंतर आता सांगलीतून इतर मार्गांवरही शिवशाहीच्या बसेस सोडल्या जाणार असल्याची माहिती आगार प्रमुख यांनी दिली आहे. यावेळी आंदोलकांकडून अटकाव होऊ नये, यासाठी सांगली आगारात पोलिस बंदोबस्त तैनात करण्यात आला होता. वाचाः दरम्यान, खासगी शिवशाही सुरू करून आंदोलन चिरडण्याचा सरकारचा प्रयत्न असून, एसटीचा कोणताही कर्मचारी कामावर रुजू झालेला नाही. आमचा संप सुरूच आहे. संप मोडून काढण्यासाठी खासगी शिवशाही बसेस सुरू करण्यात आल्या आहेत. आम्ही शांततेच्या मार्गाने आंदोलन करीत आहोत. न्याय मिळाल्याशिवाय आंदोलन थांबवणार नाही, अशी माहिती आंदोलकांनी दिली. वाचाः

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3Ddv2f6