खंडणीसंबंधी दक्षता चमूकडून चौकशी म. टा. प्रतिनिधी, मुंबईः आर्यन खानच्या अटक प्रकरणात खंडणीचा आरोप करणाऱ्या यांची नार्कोटीस कंट्रोल ब्युरो (एनसीबी) दक्षता पथकाने मंगळवारी सलग दुसऱ्या दिवशी चौकशी केली. त्यामध्ये सैल याने किरण गोसावी व पूजा दादलानी यांच्या भेटीची जागा पथकाला दाखवली. आर्यन खानच्या अटकेनंतर या प्रकरणातील दुसरा साक्षीदार किरण गोसावी याने शाहरुख खानची व्यवस्थापिका पूजा दादलानी हिच्याकडे २५ कोटी रुपयांची खंडणी मागितली, असा आरोप या प्रकरणातील पहिले साक्षीदार सैल यांनी शपथपत्राद्वारे केला होता. या आरोपाच्या पार्श्वभूमीवर एनसीबीने उप महासंचालक ग्यानेंद्र सिंह यांच्या नेतृत्वात दक्षता पथकाची नेमणूक केली आहे. दक्षता पथकाने मागील महिन्यात एनसीबी मुंबईचे प्रादेशिक संचालक यांची चौकशी केली. त्यावेळी ते सैल यांची चौकशी करू शकले नाहीत. त्यानंतर सोमवारी हे पथक पुन्हा चौकशीसाठी मुंबईत दाखल झाले. त्यादरम्यान त्यांनी सैल यांना चौकशीसाठी बोलवले. सोमवारनंतर मंगळवारीही त्यांची चौकशी झाली. किरण गोसावी व पूजा दादलानी हे लोअर परळ भागातील इंडियाना हॉटेलमध्ये भेटले होते, असे समोर आले होते. ती जागा सैल यांनी पथकाला दाखवली. सैल यांनी केलेले आरोप व प्रत्यक्ष घटनास्थळ, यांची एनसीबीच्या दक्षता पथकाने फेरतपासणी केली. या प्रकरणाची अधिक खोलवर माहिती घेण्याचा प्रयत्न हे दक्षता पथक घेत आहे. खंडणी आरोप प्रकरणात सैल हे मुख्य साक्षीदार आहेत. त्यामुळेच त्यांची सलग दोन दिवस चौकशी करण्यात आली आहे, अशी माहिती एनसीबीच्या सूत्रांनी दिली आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3kmNivm
