अहमदनगर : ‘ एसटी कर्मचाऱ्यांसाठी आता ही आरपारची लढाई आहे. त्यामुळे असाच एकजुटीने लढा सुरू ठेवा. कितीही नोटिसा आणि कारवाईच्या धमक्या आल्या, तरी भारतीय जनता पक्ष तुमच्या पाठिशी आहे. एसटी कर्मचाऱ्यांच्या केसालाही धक्का लागू दिला जाणार नाही. एसटी कर्मचाऱ्यांचे प्रश्न सुटेपर्यंत विधिमंडळाचे हिवाळी अधिवेशन चालू देणार नाही,’ असा इशारा विधान परिषदेचे विरोधी पक्षनेते यांनी दिला. एसटीच्या विलीनीकरणाबाबत यांनी दिलेल्या आश्वासनाचीही यावेळी दरेकर यांनी आठवण करून दिली. ( ) वाचा: प्रवीण दरेकर आज अहमदनगर येथे आले होते. यावेळी त्यांनी येथील तारकपूर आगारातील संपकरी एसटी कामगारांची भेट घेतली. माजी मंत्री राम शिंदे, जिल्हाध्यक्ष भय्या गंधे, अरुण मुंडे, माजी महापौर बाबासाहेब वाकळे यावेळी उपस्थित होते. दरेकर पुढे म्हणाले, ‘मी एसटी वाहकाचा मुलगा आहे. त्यामुळे माझे एसटी कर्मचाऱ्यांशी भावनिक नाते आहे. त्या भावनेतून मी तुमच्यासोबत आहे. हे आंदोलन आता कोणत्या संघटनेचे अगर पक्षाचे राहिले नाही. भाजप चिथावणी देत असल्याचा आरोप सरकार करीत असून तो खोटा आहे. आम्ही या आंदोलनात आमचा झेंडा नाचवत नाही. याचे राजकारण आम्हाला करायचे नाही. उलट हा प्रश्न सोडविण्यासाठी गणित मांडून द्यायला आम्ही तयार आहोत. मात्र, सरकारला हे करायचे नाही. त्याऐवजी आंदोलन चिरडण्याचे त्यांचे नियोजन सुरू आहे. कारवाईचा बडगा उगारला आहे. पण घाबरू नका, आम्ही एसटी कर्मचाऱ्यांच्या मागे आहोत. ३९ कर्मचाऱ्यांनी आत्महत्या केल्या असताना मागण्या मान्य न होताच कामावर जाण्याचे पाप कोणी करू नये. स्वातंत्र्यलढ्यातही असेच अनेकांना बलिदान द्यावे लागले होते, हे लक्षात ठेवा.' वाचा: 'आता ही आरपारची लढाई आहे. करो या मरो या पद्धतीने आंदोलन करायचे आहे. अन्याय सहन करणाराही दोषी असतो, हे ध्यानात घ्या. खोटी आश्वासने देणाऱ्यांना बळी पडू नका. कोल्हापूरमधील आधिवेशनात राष्ट्रवादी काँग्रेसचे अध्यक्ष शरद पवार म्हणाले होते की, पंधरा दिवसांत मार्गी लावतो. आता त्या आश्वासनाचे काय झाले? पवार यांच्या त्या भाषणाची क्लिप माझ्याकडे आहे. प्रवाशांची अडचण होते आहे, असे सांगतात. मात्र, राज्यात कोठेही प्रवाशांचा उद्रेक झालेला नाही. याचा अर्थ प्रवाशांनाही एसटी कर्मचाऱ्यांच्या वेदनांची जाणीव आहे. आता संप मोडीत काढण्यासाठी खासगी वाहनांना परवानगी दिली आहे. त्यातूनही वेगळीच वसुली सुरू होईल. त्याचाही हिशेब भाजप नेते काढतील,’ असेही दरेकर म्हणाले. वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3ooWqRk
