मुंबई: राज्यात शिवसेना, काँग्रेस व राष्ट्रवादीच्या महाविकास आघाडीचं सरकार आणण्यात महत्त्वाची भूमिका बजावणारे शिवसेनेचे खासदार यांचा आज वाढदिवस आहे. वाढदिवसानिमित्त त्यांच्यावर शुभेच्छांचा वर्षाव होत आहे. महाविकास आघाडीतील मित्र पक्ष राष्ट्रवादी काँग्रेसचे प्रवक्ते व अल्पसंख्याक मंत्री यांनी राऊत यांना खास शुभेच्छा दिल्या आहेत. (Nawab Malik wishes on his Birthday) नवाब मलिक यांनी संजय राऊत यांना शुभेच्छा देताना एक ट्वीट केलं आहे. 'शोले' चित्रपटातील 'ये दोस्ती हम नहीं तोड़ेंगे, तोड़ेंगे दम मगर, तेरा साथ ना छोडेंगे' या गाण्याच्या ओळी त्यांनी ट्वीट केल्या आहेत. मागील काही दिवसांपासून नवाब मलिक यांनी एनसीबीतील कथित खंडणीखोरी व भाजप नेत्यांच्या ड्रग्ज पेडलरशी असलेल्या संबंधांविरोधात आघाडी उघडली आहे. विरोधकांची पोलखोल करताना व त्यांच्यावर टीका करताना ते सातत्यानं शेरोशायरीचा आधार घेताना दिसत आहेत. राऊत यांना शुभेच्छा देतानाही त्यांचा हाच शायराना अंदाज दिसून आला आहे. त्यांच्या या सूचक ट्वीटमुळं चर्चेला उधाण आलं आहे. नवाब मलिक यांनी केलेल्या ट्वीटला अनेक अर्थ आहेत. मलिक यांनी गेल्या काही दिवसांपासून भाजपविरोधात सुरू केलेल्या लढाईत त्यांना संजय राऊत यांचीही साथ लाभत आहे. त्यामुळं हे दोन्ही नेते अधिक जवळ आले आहेत. त्याचं प्रतिबिंब मलिक यांच्या ट्वीटमध्ये पडलं आहे. त्याशिवाय, राज्यात महाविकास आघाडी सरकार आल्यापासून हे सरकार कोणत्याही क्षणी पडेल, अशी भाकीतं विरोधी पक्ष भाजपकडून वर्तवली जात आहेत. त्यासाठी वेगवेगळ्या तारखा दिल्या जात आहेत. 'ये दोस्ती हम नही तोडेंगे' असं सांगताना मलिक यांनी सरकार पडणार नसल्याचंही अप्रत्यक्षपणे सूचित केलं आहे. हेही वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3CeA9KP
