मुंबई: राष्ट्रवादी काँग्रेसचे नेते () हे महिलांना राजकीय वादात ओढत असल्याची टीका विरोधी पक्षनेते () यांनी काल केली होती. फडणवीसांच्या या आरोपांना मलिक यांनी आज सडेतोड उत्तर दिलं. 'तुमच्या घरच्या महिला या महिला आहेत, इतरांच्या नाहीत का?,' असा रोकडा सवाल मलिक यांनी काही उदाहरणांसह केला. ड्रग्ज प्रकरणात खुलासे करण्यासाठी नवाब मलिक यांनी काल पत्रकार परिषद घेतली होती. त्यात त्यांनी जयदीप राणा हा एक 'ड्रग पेडलर' अमृता फडणवीस यांनी गायलेल्या एका गाण्याचा फायनान्सर होता, असं म्हटलं होतं. देवेंद्र फडणवीस व अमृता फडणवीस यांचे फोटो देखील त्याच्यासोबत आहेत, असं सांगत, मलिक यांनी हे फोटोही सोशल मीडियावर शेअर केले होते. त्यावरून फडणवीस यांनी तीव्र नाराजी व्यक्त केली. नवाब मलिक यांनी वैयक्तिक टीका-टिप्पणी केली तरी आम्ही तसं करणार नाही, असं ते म्हणाले होते. वाचा: ' मलिक यांनी आज फडणवीसांना उत्तर दिलं. 'देवेंद्रजींच्या पत्नीचा व्यक्तिगत उल्लेख करण्याचा प्रश्न नाही. ड्रग्जशी संबंधित एका व्यक्तीसोबत त्यांचा फोटो असल्यानं मी त्यांचा उल्लेख केला आणि त्यांचा फोटो शेअर केला. मी त्यांच्यावर व्यक्तिगत टीका-टिप्पणी केलेली नाही,' असं मलिक म्हणाले. याउलट भाजपचे नेते उठसूट महाविकास आघाडीच्या नेत्यांवर व त्यांच्या कुटुंबीयावर आरोप करत असतात, याकडं नवाब मलिक यांनी लक्ष वेधलं. 'कालच भाजपचे नेते किरीट सोमय्या यांनी अजित पवार यांची आई व बहिणींचा उल्लेख केला. संजय राऊतांच्या पत्नीला ईडीच्या कार्यालयापर्यंत आणलं गेलं. एकनाथ खडसे यांच्या पत्नीला ईडीच्या कार्यालयापर्यंत आणलं गेलं. राज्याचे माननीय मुख्यमंत्री उद्धव ठाकरे यांच्या पत्नीचं नाव घेऊन सोमय्यांनी आतापर्यंत अनेकदा आरोप केलेत. हे देखील फडणवीसांनी लक्षात घ्यायला हवं. 'यांच्या घरच्या महिला या महिला आहेत, इतरांच्या आयाबहिणी महिला नाहीत का?,' असा सवाल मलिक यांनी केला. 'सार्वजनिक चर्चेचा स्तर भाजपनं खाली आणलाय, आम्ही नाही हे लोकांनी लक्षात घ्यायला हवं,' असंही त्यांनी सुनावलं. वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3mAzYVB
