मुंबईः राष्ट्रवादी काँग्रेसचे नेते आणि राज्याचे अल्पसंख्यांक मंत्री नवाब मलिक (Nawab Malik) आणि नार्कोटिक्स कंट्रोल ब्युरोचे (एनसीबी) अधिकारी समीर वानखेडे (Sameer Wankhede) यांच्यातील आरोप - प्रत्यारोपांची मालिका वाढतच आहे. मुंबई कोर्डिलिया क्रूझ प्रकरणी नवाब मलिकांनी अनेक खुलासे केले आहेत. तसंच, समीर वानखेडे यांना लक्ष्य करत खळबळजनक आरोप केले होते. त्यानंतर आज पुन्हा एकदा नवाब मलिकांनी गंभीर आरोप केला आहे. () नवाब मलिकांनी आज आणखी एक ट्वीट केलं आहे. या ट्वीटसोबतच ई- कोर्ट सर्व्हिसवरील फोटो शेअर केले आहेत. समीर वानखेडे यांची मेहुणी ड्रग्स व्यवसायात गुंतलेली आहे का?, असा सवाल नवाब मलिकांनी उपस्थित केला आहे. तसंच, पुण्यातील कोर्टात तिच्या नावावरील केस प्रलंबित आहेत. त्यांचा समीर वानखेडेंशी काय संबंध याचा त्यांनी खुलासा करावा, असं आवाहन नवाब मलिक यांनी केलं आहे. तसंच, नवाब मलिकांनी ई- कोर्ट सर्व्हिसवरील फोटो शेअर करत हा पुरावा असल्याचा दावा केला आहे. वाचाः नवाब मलिकांच्या या ट्वीटनंतर प्रसारमाध्यमांनी त्यांच्याशी संपर्क साधण्याचा प्रयत्न केला असता त्यांनी अधिक बोलणे टाळले, तसंच, मी ट्वीट केलं आहे त्यात मी स्पष्ट लिहलं आहे. एक प्रकरण पुण्याच्या कोर्टात प्रलंबित आहे. त्यांचा आणि समीर वानखेडे यांचा काय संबंध याचा त्यांनी खुलासा करावा, असं त्यांनी म्हटलं आहे. वाचाः नोटबंदीला पाच वर्ष पूर्ण नवाब मलिकांनी पुन्हा एकदा केंद्र सरकारवर निशाणा साधला आहे. नोटबंदीच्या मुद्द्यावरुन त्यांनी केंद्र सरकारवर टीका केली आहे. 'आज नोटबंदीला पाच वर्ष पूर्ण झाले. ज्या दिवशी नोटबंदी केली होती तेव्हा मोदींनी म्हटलं होतं मला तीन महिन्यांची मुदत द्या. या पाच वर्षात काळा पैसा संपेल, भ्रष्टाचार, आतंकवाद कमी होईल. पण त्या उलट झालं नोटबंदीला पाच वर्ष झाली बेरोजगारी वाढली,' अशी टीका नवाब मलिकांनी केली आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3o6gzLF
