मुंबई : लाखो मुंबईकरांना प्रतीक्षा असलेली लोकल ट्रेन येत्या १५ ऑगस्टपासून सर्वसामान्यांसाठी खुली होणार आहे. मुख्यमंत्री उद्धव ठाकरे यांनी रविवारी त्याबाबत घोषणा केली आहे. त्यामुळे आता लोकलने प्रवास करण्यासाठी दोन लसीचे डोस घेतलेले असणं महत्त्वाचं आहे. रेल्वेने प्रवास करताना अॅपवर किंवा शहरातील महापालिकांच्या कार्यालयातून क्यूआर कोड मिळवणे आवश्यक असणे आणि लसीकरण पूर्ण झाल्याचे प्रमाणपत्र ही सादर करावे लागेल आहे. त्यानंतरच परवानगी पत्र मिळेल अशी अशी नियमावली आखण्यात आली आहे. यावरून प्रसिद्ध कॉमेडियन अतुल खत्री यांचा एक फोटो सध्या सोशल मीडियावर तुफान व्हायरल होत आहे. अतुल खत्री यांनी थेट टी-शर्टवरच लसीकरण झाल्याचं प्रमाणपत्र छापलं आहे. त्याचा हा फोटो सध्या तुफान व्हायरल झाला आहे. अतुल खत्री याचा हा फोटो १० हजाराहून अधिक लोकांनी लाईक केला आहे. खरंतर, नव्या नियमानुसार, लोकल प्रवासाचा पास मिळवण्यासाठी पुन्हा 'अॅप'वर नोंदणी करून पास घ्यावा लागणार आहे. स्मार्टफोन नसलेल्यांना वॉर्ड ऑफिसमध्ये किंवा उपनगरी रेल्वे स्थानकांवर पास घेता येणार आहे. बहुतेक कष्टकरी लोकांना अॅपअभावी वॉर्ड ऑफिसला जावे लागणार आहे. मात्र, वॉर्ड ऑफिसच्या वेळा सगळ्यांसाठीच सोयीच्या नाहीत. शिवाय, एकदा जाऊन हे काम होईलच असं नाही, असंही काही लोकांचं म्हणणं आहे. हातावर पोट असलेल्यांना आपलं काम सोडून तिथं जाणं व आवश्यक प्रक्रिया पूर्ण करणं अडचणीचं ठरणार आहे. त्यामुळं सरकारनं काही वेगळा विचार करावा किंवा मागील वेळच्या प्रमाणे ठराविक कालावधीत सर्वांना प्रवासाची मुभा द्यावी, अशी मागणी काहींनी केली आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/37qeIcS
