पुणे : बीडमधील टिकटॉक स्टार अशी ओळख असलेल्या एका २२ वर्षीय तरुणीच्या आत्महत्येनंतर राज्यात एकच खळबळ उडाली होती. याच प्रकरणात आता आणखी एक धक्कादायक माहिती समोर आली आहे. या तरुणीच्या आत्महत्या प्रकरणामुळे माजी वनमंत्री संजय राठोड हे मोठे गोत्यात आले होते. त्यांना मंत्रिपदाचा राजीनामाही द्यावा लागला होता. खरंतर, संजय राठोड यांच्याविरोधात पुणे पोलिसांच्या हाती सबळ पुरावे असल्याची माहितीही समोर आली होती. यानंतर आता पुणे पोलिसांच्या तपासात आणखी एक धक्कादायक माहिती समोर आली आहे. ज्या माहितीमुळे या प्रकरणाला वेगळे वळण लागण्याची शक्यता आहे. बीड जिल्ह्यातल्या या तरुणीने ६ फेब्रुवारीला पुणे येथे एका इमारतीच्या पहिल्या मजल्यावरुन उडी घेत आत्महत्या केली होती. तिच्या आत्महत्येमुळे राजकीय वातावरण तापलं होतं. या प्रकरणावरून तरुणीच्या घरच्या मंडळींनी संजय राठोड यांना क्लीन सुद्धा दिली होती. पण एवढ्या दिवसानंतर तरुणीच्या मृत्यू अहवालामुळे हा विषय पुन्हा एकदा चर्चेत आला आहे. कारण, पुणे पोलिसांनी दिलेल्या माहितीनुसार, तिच्या वैद्यकीय अहवालामध्ये तिच्या मानेला मार लागला होता आणि तिच्या शरीरामध्ये अल्कोहोल असल्याचे समोर आले आहे. खरंतर, गेल्या दिवसांमध्ये हे प्रकरण शांत झालं होतं पण तरुणीच्या मेडिकल अहवालानंतर आता पुन्हा एकदा या प्रकरणाला नवं वळण लागण्याची शक्यता आहे. या तरुणीनं आत्महत्या केली होती. तिने इमारतीच्या मजल्यावर पहिल्या मजल्यावरून उडी घेत आत्महत्या केली होती. त्यामुळे तिच्या मानेला दुखापत झाली कशी आणि तिने मद्यप्राशन का केलं होतं? याविषयी आता विविध चर्चांना उधाण आलं आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3Aamcgs
