अमरावती : अमरावती जिल्ह्यालाही मुसळधार पावसाने झोडपून काढलं आहे. पावसाची संततधार सुरूच असल्यामुळे यातच अनेक गावांचा संपर्क तुटला आहे. अशातच मेळघाटच्या पायथ्याशी असलेल्या एका गावात रात्री मुसळधार पाउस सुरू असताना आजी आणि नातू निवांत झोपले होते. यावेळी अचानक घराची एक भिंत त्यांच्या अंगावर कोसळली आणि यात चिमुकला बालक व आजी गंभीर जखमी झाला आहे. त्यांच्यावर प्राथमिक आरोग्य केंद्रात उपचार करण्यात येत आहे. चिखलदरा तालुक्यातील जामली या गावात ही घटना घडली आहे. श्रीमती सोनाय साकू कासदेकर असे जखमी झालेल्या महिलेचे नाव आहे. घटना घडताच आजी नातवाच्या बचावासाठी परिसरातील नागरिकांनी कसोशीने प्रयत्न केले. त्यामुळे दोघांचे जीव वाचू शकले या घटनेचा पंचनामा करून तात्काळ मदत देण्यात यावी अशी मागणी गावकऱ्यांनी शासनाकडे केली आहे. मागील तीन दिवसांपासून पावसाने हजेरी लावली आहे. पावसाच्या या जोडीने शेतातील कामंसुद्धा थांबली आहेत. दऱ्याखोऱ्यांनी समृद्ध असलेल्या मेळघाटातील लहान मोठ्या-नद्या सध्या दुथडी भरून वाहत आहेत. मेळघाटातील अनेक पूल हे ब्रिटिश कालीन असून कमी उंचीचे असल्याने पुलावरून पाणी वाहत आहे. यामुळे जिल्हा मुख्यालयापासून अनेक गावांचा संपर्क तुटला आहे. ज्या पुलावरून दोन चाकी किंवा चारचाकीने पूल ओलांडणे शक्य नाही अशा ठिकाणी नागरिक शेतात व इतर कामा करिता जाण्यासाठी थेट ट्रॅक्टर व ट्रॉलीचा वापर करत आहेत अशा प्रकारे होणारी वाहतूक ही धोकादायक असून पाऊस असताना फुल ओलांडून जाऊ नये असे आवाहन जिल्हा प्रशासनाने केले आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/36US3oT
