: जिल्हा परिषदेच्या बांधकाम विभागातील दोन अभियंत्यांना दुर्गम भागातील बांधकामात केलेल्या भ्रष्टाचारामुळे निलंबित करण्यात आलं आहे. जिल्हा परिषदेचे मुख्य कार्यपालन अधिकारी कुमार आशीर्वाद यांनी सदर आदेश काढले आहेत. धानोरा बांधकाम उपविभागाअंतर्गत वर्ष २०१८-१९ या काळात २५/१५ या लेखाशीर्षाखाली १० लाख रुपये खर्च करून स्लॅब ड्रेनचे बांधकाम करण्यात आल्याचं दाखवण्यात आलं. परंतु प्रत्यक्ष बांधकाम न करताच काम पूर्ण झाल्याचे दाखवून देयके उचलली गेली. याप्रकरणी कनिष्ठ अभियंता पी.के. चलाख यांनी प्रशासनाची दिशाभूल करून कर्तव्यात कसूर केल्याचे सकृतदर्शनी आढळून आल्याने त्यांना निलंबिल करण्यात आले. तसंच एक शाखा अभियंता जे. एच. रूपारेल यांनी विशेष कृती कार्यक्रमाअंतर्गत धानोरा तालुक्यातील कोंदावही टोला येथील वर्गखोलीचे बांधकाम पूर्ण केले नाही. मात्र, मोजमाप पुस्तिकेत बांधकाम पूर्ण झाले असल्याचे दाखवून देयके अदा करण्यात आली. या कामातही कसूर केल्याचे सिद्ध झाल्यामुळे रूपारेल यांनाही निलंबिल करण्यात आले आहे. दरम्यान, दोन्ही अभियंत्यांचे निलंबन काळातील कार्यक्षेत्र बदलण्यात आलं आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3x67EMJ
