अकोलाः घर कोसळल्यानं एकाच घरातील सदस्य ढिगाऱ्याखाली दबल्याची घटना शनिवारी पहाटे घडली आहे. या घटनेत ५ जण गंभीर जखमी झाले असून एका बालकाचा मृत्यू झाला आहे. अकोला जिल्ह्यातील बाळापूर शहरात शेख रसूल याचं घर आहे. आपल्या कुटुंबासमवेत घरात झोपले असताना पहाटे ४ वाजताच्या सुमारास अचानक घर कोसळलं. घर कोसळल्यामुळं संपूर्ण कुटुंब ढिगाऱ्याखाली दबले गेले. घर कोसळल्याचा आवाज ऐकून शेजाऱ्यांनी तातडीने घटनास्थळी धाव घेत आजूबाजूच्या रहिवाशांना मदतीसाठी बोलावले. ढिगाऱ्याखाली दबलेल्या महिलेला व तिच्या मुलांना सुखरुप घराबाहेर काढण्यात आले. वाचाः जखमींनी बाळापूरच्या ग्रामीण रुग्णालयात दाखल करण्यात आलं आहे. या दुर्घटनेत धाकटा मुलगा शेख कामरान यांचा ढिगाऱ्याखाली दबल्यानं मृत्यू झाला आहे. शहरात या घटनेमुळे हळहळ व्यक्त होत आहे. वाचाः शेख रसूल वजीर यांचं पूर्ण कुटुंब ढिगाऱ्या खाली आलं दबल्यानं परिसरात हळहळ व्यक्त करण्यात येत आहे. या कुटुंबाची परिस्थिती हालाकीची आहे. मोलमजुरी करून ते आपले कुटूंब चालवत होते. राहत घर कोसळलं व पोटचा मुलगा गमावल्यानं या कुटुंबावर दुखांचा डोंगर कोसळला आहे. अशा परिस्थितीत शासनाने त्यांना आर्थिक मदत करावी, अशी मागणी परिसरातील नागरिक करत आहेत. वाचाः
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/36rl0bD
