: मधल्या काळात राज्यात चिंतेचा विषय ठरलेल्या नगर जिल्ह्यात आता करोना रुग्णांची संख्या उतरणीला लागली आहे. दैनंदिन रुग्णसंख्येत अद्यापही चढउतार पहायला मिळत असला तरी आज उपचाराधीन रुग्णांची संख्या प्रथमच हजाराच्या आत आली. गेल्या २४ तासांत जिल्ह्यात १६० जणांना डिस्चार्ज मिळाला असून ९६ नवे रुग्ण दाखल झाले आहेत. त्यामुळे सध्या ९५० जणांवर उपचार सुरू आहेत. मृत्यूंच्या संख्येतही चढउतार होत असली तरी आज एकाही मृत्यूची नोंद झालेली नाही. विशेष म्हणजे सुरुवातीपासूनच चिंताजनक स्थिती असलेल्या तालुक्यात आज एकही नवा रुग्ण आढळून आला नाही. ( ) वाचा: ओसरत असली तरी नगर जिल्ह्यातील रुग्णांचे आकडे कमी होत नव्हते. शेवटी ग्रामीण भागात कडक लॉकडाऊनचा उपाय करण्यात आला. तब्बल ६९ गावांमध्ये लावण्यात आला. त्यातील काही ठिकाणी मुदत वाढविण्यातही आली होती. त्यामुळे आकडे कमी होत जाऊन दिवाळीच्या आधीच सर्व ठिकाणचे कडक निर्बंध उठविण्यात आले आहेत. ग्रामीण भागातील व्यवहारही आता सुरळीत करण्यात आले आहेत. आठवडे बाजार आणि जनावरांचे बाजारही सुरू करण्यात आले आहेत. एका बाजूला निर्बंध खुले होत असताना दुसरीकडे करोना रुग्णांची आकडेवारी कमी जास्त होत आहे. आज जिल्ह्यात ९६ नवे रुग्ण आढळून आले. सर्वाधिक १५ रुग्ण नगर शहरातील आहेत. ज्या तालुक्यामुळे नगर जिल्ह्याची चिंता वाढली होती, त्या संगमनेर तालुक्यात आज एकही नवा रुग्ण आढळून आला नाही. तर तालुक्यात ६ रुग्ण आढळून आले आहेत. नेवासा, अकोले आणि राहाता तालुक्यांत अद्यापही दहापेक्षा जास्त रुग्ण आहेत. वाचा: दिलासादायक गोष्ट अशी की, जिल्ह्यात प्रथमच उपचाराधीन रुग्णांची संख्या ९५० पर्यंत खाली आली आहे. गेल्या आठवड्यापर्यंत अकरा, सात अशी मृत्यूंची नोंद होत होती. आज एकाही मृत्यूची नोंद नाही. मात्र, अनेकदा मृत्यूच्या नोंदी करण्यात उशीर होत असल्याने एकदम आकडे वाढल्याचे आढळून येते. एकूण परिस्थिती पाहता नगर जिल्ह्यातही आता करोना उतरणीला लागल्याचे दिसून येत आहे. लसीकरणाचे प्रमाणही बरे असून पहिला डोस घेण्याचे प्रमाण सत्तर टक्क्यांच्या आसपास आहे. मधल्या काळात नाशिक आणि औरंगाबादमध्येही नगर जिल्ह्याबद्दल चिंता व्यक्त केली जाऊ लागली होती. वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3wkyG4s
