नांदेड : राज्यात महिलांविषयी, मुलींविषयी आणि अल्पवयीन मुलींविषयी कितीही जनजागृती केली तरी महिलांच्या सुरक्षेचा प्रश्न हा कायमच ऐरणीवर राहायला आहे. राज्यात रोज म्हटलं तरी एक महिला अत्याचाराची घटना समोर येते. त्याला थांबवणं आता आणखीनच कठीण होत चालल्याचं पाहायला मिळत आहे. नांदेडमध्येही असाच एक भयंकर प्रकार समोर आला आहे. एका अल्पवयीन मुलीवर ५० वर्षीय नराधमालाकडून अतिप्रसंग करण्यात आला. या घटनेमुळे संपूर्ण परिसरात खळबळ उडाली असून नागरिकांमध्ये आणि कुटुंबीयांमध्ये संतापाचे वातावरण आहे. एका अल्पवयीन मुलीवर अत्याचार करणाऱ्या नाराधमावर नांदेडात गुन्हा दाखल झाला आहे. नांदेड शहरातील काबरा नगर भागात ही धक्कादायक घटना घडली. पन्नास वर्षीय नाराधमाने शेजारी रहात असलेल्या दहा वर्षाच्या चिमुकलीसोबत अश्लील चाळे केले आहे. मात्र, या चिमुकलीनं प्रसंगावधान साधत आपली सुटका करून घेतली. त्यामुळे अनुचित प्रकार टळला आहे. आर्थिक परिस्तिती कमकुवत असल्यामुळे पीडितेची आई घरकामाला गेली होती. नाराधमाने केलेला सर्व प्रकार पीडित मुलीने शेजारी असलेल्या काकुला सांगितला. त्यानंतर हा प्रकार उघडकीस आला. परिसरातील नागरिकांनी आरोपीला चांगलाच चोप दिला. त्यानंतर आरोपीने घटनास्थळापासून पळ काढला. या प्रकरणी भाग्यनगर पोलीस ठाण्यात पोस्को कायद्या अंतर्गत गुन्हा दाखल करण्यात आला आहे. तर आरोपीचा शोध घेण्याचं काम सुरू असून नराधमाला कठोर शिक्षा देण्यात यावी अशी मागणी पीडितेचे कुटुंबिय आणि नागरिकांकडून करण्यात आली आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3rSDBr4