कोकणात जगबुडी नदीने रौद्र रुप धारण केल्यानं यंदा खेड शहर बाजारपेठे येथे पुराचे पाणी शिरले आहे. नदीकाठी असलेल्या नागरिकांना शाळेत व अंगणवाडी येथे सुरक्षित स्थळी हलवण्यात आले आहे. तसंच, शासनाच्या आपत्कालीन यंत्रणेकडून मदत कार्य करण्यासाठी शहरात पथक कार्यरत आहे. चिपळूण शहरात अनेक ठिकाणी पुराचे पाणी भरल्याने २००५ ची पुनरावृत्ती झाल्याची स्थिती आहे. सगळ्यात महत्त्वाचं म्हणजे चिपळूण-कराड मार्गे चिपळूण-मुंबई मार्ग वाहतुकीसाठी बंद करण्यात आला आहे.मागील आठवड्यापासून सुरु असलेल्या पावसानं बुधवारी रात्री राज्यातील काही जिल्ह्यात पुन्हा जोर धरला आहे. मुंबईसह उपनगरात पावसानं जोरदार हजेरी लावली. तर कोकणासह घाट माथ्यावरही रात्रीपासून पावसाची संततधार सुरुच आहे. नाशिक, चिपळूण, अकोला, पुणे या शहरांना पावसानं झोडपून काढलं आहे.
कोकणात जगबुडी नदीने रौद्र रुप धारण केल्यानं यंदा खेड शहर बाजारपेठे येथे पुराचे पाणी शिरले आहे. नदीकाठी असलेल्या नागरिकांना शाळेत व अंगणवाडी येथे सुरक्षित स्थळी हलवण्यात आले आहे. तसंच, शासनाच्या आपत्कालीन यंत्रणेकडून मदत कार्य करण्यासाठी शहरात पथक कार्यरत आहे. चिपळूण शहरात अनेक ठिकाणी पुराचे पाणी भरल्याने २००५ ची पुनरावृत्ती झाल्याची स्थिती आहे. सगळ्यात महत्त्वाचं म्हणजे चिपळूण-कराड मार्गे चिपळूण-मुंबई मार्ग वाहतुकीसाठी बंद करण्यात आला आहे.
कोल्हापूर
कोल्हापूर जिल्ह्यात मध्यरात्रीपासूनच धुवाधार पाऊस कोसळत आहे. पंचगंगा नदीचे पाणी ३४ फुटांवर आले असून दुपारपर्यंत धोक्याची पातळी गाठण्याची शक्यता आहे. खबरदारीचा उपाय म्हणून मलकापूर- रत्नागिरी मार्ग बंद करण्यात आला आहे. तर, बरकी गावाचा संपर्क तुटला आहे. एनडीआरएफचे दोन पथकं कोल्हापुरात दाखल झाले आहे.
भिवंडी
रात्रभर पडलेल्या पावसामुळं भिवंडीमध्येही मोठ्याप्रमाणात पाणी साचलं आहे. अनेक रस्त्यांवर कंबरेपर्यंत पाणी साचल्याचं चित्र आहे. अनेक घरात व दुकानात पाणी शिरले आहे. त्यामुळं भिवंडी शहरासह अनेक गावात पूरस्थिती निर्माण झाली आहे. दरम्यान, जव्हार- मोखाडा तालुक्यातील वॉल ब्रिज जवळ दरड कोसळुन महामार्ग बंद झाला आहे. तर मोखाडा खोडाळा मार्गे देवगाव त्रंबकेश्वर रस्त्यावर दरड कोसळल्यामुळे जव्हारहून नाशिक कडे जाणारे दोन्ही मार्ग बंद पडले आहेत.
बदलापूर
मुसळधार पावसामुळे बदलापुरात रात्री १ वाजता उल्हाननदीने धोक्याची पातळी ओलांडली आहे, पश्चिमेतील नदी पात्रा शेजारील अनेक भाग पाण्याखाली, घरे इमारतीतील घरात पाणी शिरले आहे. अंबरनाथ, बदलापूर दरम्यान अनेक ठिकाणी रुलावरील खडी वाहून गेल्याने कर्जत ते अंबरनाथ पर्यंत रेल्वे वाहतूक ठप्प झाली आहे. तर, सिध्देश्वर एक्स्प्रेसही पहाटे पासून बदलापूर रेल्वे स्थानकावर उभी आहे. पुन्हा पुराच्या धोक्यात नागरिक धास्तावले आहेत.
मेळघाट
अमरावती जिल्ह्यात मागील ४८ तासापासून जोरदार पावसाने हजेरी लावली आहे. मुसळधार पावसामुळं शेतातील कामे सुद्धा थांबले आहेत. दऱ्याखोऱ्या नी समृद्ध असलेल्या मेळघाटातील लहान मोठ्या नद्या सध्या दुथडी भरून वाहत आहेत. मेळघाटातील अनेक पूल हे ब्रिटिश कालीन असून कमी उंचीचे असल्याने पुलावरून पाणी वाहत आहे. यामुळे जिल्हा मुख्यालयापासून अनेक गावांचा संपर्क तुटला आहे. ज्या पुलावरून दोन चाकी किंवा चारचाकीने पूल ओलांडणे शक्य नाही अशा ठिकाणी नागरिक शेतात व इतर कामा करिता जाण्यासाठी थेट ट्रॅक्टर व ट्रॉलीचा वापर करत आहेत अशा प्रकारे होणारी वाहतूक ही धोकादायक असून पाऊस असताना फुल ओलांडून जाऊ नये, असे आवाहन जिल्हा प्रशासनाने केले आहे.
नाशिक
नाशिकमध्ये मुसळधार पावसाने गोदावरी नदीला रात्रीच्या पावसाने पूर आल्याचं समोर आलं आहे. नाशिक जिल्ह्यात पावसाने धुमाकूळ घातला आहे. जिल्ह्यातील अनेक भागांत तुफान पाऊस कोसळत असल्याने पूरस्थिती निर्माण झाली आहे. त्र्यंबकेश्वरच्या बाजारपेठेत पुराचे पाणी शिरले असून त्र्यंबकेश्वर मंदिरातही सध्या पाणी असल्याचे सांगण्यात आले आहे. दुसरीकडे सूरगाणा तालुक्यातही नदी नाले दुथडी भरून वाहत असून झगडपाडा गावाजवळ असलेल्या शिवनदी पुलावर पाणी आल्याने डझनभर गावांचा संपर्क तुटला आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3iEzLO3
