मुंबईः () यांच्यावर गंभीर आरोप करणारे साक्षीदार () आयुक्त कार्यालयात () पोहोचले असल्याची माहिती समोर येत आहे. तसंच, जीवाला धोका असल्यानं पोलीसांनी संरक्षण दिल्याचीही शक्यता वर्तवण्यात येत आहे. किरण गोसावीचा साथीदार म्हणून काम करणाऱ्या प्रभाकर साईलने रविवारी एक व्हिडिओ जारी करत मुंबई क्रुझ ड्रग्ज पार्टी प्रकरणात काही धक्कादायक गौप्यस्फोट केले होते. तसंच, एनसीबीचे अधिकारी समीर वानखेडे यांच्यावरही गंभीर आरोप केले आहेत. एनसीबीच्या अधिकाऱ्यांनी कोऱ्या कागदावर साक्षीदार म्हणून स्वाक्षरी केल्या. तसंच, या प्रकरणात आर्यन खानला सोडण्यासाठी मध्यस्थातर्फे २५ कोटी रुपयांची मागणी शाहरुख खानकडे करण्यात आली होती, असा दावाही सईल यांनी केला होता. तर, मला समीर वानखेडे यांची भीती वाटायला लागली आहे, असंही सईल यांनी म्हटलं होतं. त्यानंतर आज प्रभाकर सईल मुंबई पोलिस कार्यालयात दाखल झाले आहेत. वाचाः समीर वानखेडे यांच्यावर खंडणीचा आरोप करणारा किरण गोसावी याचा बॉडिगार्ड आणि पंच प्रभाकर सईल मुंबई पोलिस मुख्यालयात हजर झाला आहे. तसंच, त्याने गुन्हे शाखेच्या अधिकाऱ्यांची भेट घेतली आहे. साईल याच्याकडून सविस्तर माहिती घेऊन कायदेशीर कारवाईबाबत मुंबई पोलिसांचा विचार असल्याची माहिती समजतेय. तसंच, खंडणीचा गुन्हा दाखल होण्याची शक्यताही व्यक्त केली जात आहे. प्रभाकर याला मुंबई पोलिसांनी संरक्षण दिले आहे. प्रभाकर साईल याला सहार पोलिस ठाण्यात नेण्यात आले असून त्याचा जबाब घेतला जात आहे. तसंच, गुन्हा दाखल होण्याची शक्यता आहे. त्यामुळे पुन्हा एकदा केंद्रीय तपास यंत्रणा आणि मुंबई पोलिस आमने सामने येण्याची शक्यता आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3pv9czT
