मुंबई: भाजपचे आमदार यांनी काल शिवसेना भवनाबद्दल केलेल्या वक्तव्याचे तीव्र पडसाद उमटत आहेत. लाड यांच्या वक्तव्यामुळं शिवसैनिकांमध्ये संताप आहे. शिवसेनेचे खासदार यांनी लाड यांच्या वक्तव्यावर अत्यंत खोचक व बोचरी प्रतिक्रिया दिली आहे. ( Slams BJP MLC Prasad Lad Over his Comment on Shiv Sena Bhavan) मुंबईत दादरमध्ये काल झालेल्या भाजपच्या एका कार्यक्रमात प्रसाद लाड यांनी शिवसेनेवर जोरदार टीका केली होती. 'आम्ही दादरमध्ये आलो की फोडायला आलो असं काही लोकांना वाटतं, पण वेळ आल्यास ते देखील करू,' असं लाड म्हणाले होते. लाड यांनी या वक्तव्यावरून घूमजाव करत दिलगिरी व्यक्त केली आहे. मात्र, शिवसेनेतून त्यांच्यावर टीकेची झोड उठली आहे. शिवसेनेचे खासदार संजय राऊत यांनी लाड यांना त्यांची पातळी दाखवून दिली आहे. 'हा शाखाप्रमुख पातळीवरचा विषय आहे. त्याला शाखाप्रमुखच उत्तर देतील,' असं राऊत पत्रकारांशी बोलताना म्हणाले. वाचा: राऊत यांनी या संदर्भात एक ट्वीट देखील केलं आहे. 'महाराष्ट्रात तातडीनं नशा मुक्ती कार्यक्रम हाती घेणं गरजेचं आहे. नाहीतर राजकीय गांजाडयांना मराठी माणूस शिवसेना भवनाच्या फूटपाथवर बेदम चोपल्याशिवाय राहणार नाही. (समझनेवालोंको इशारा काफी है...) शिवसेना भवन हे मराठी अस्मितेचे ज्वलंत प्रतीक आहे. बाटग्यांना हे कसं समजणार?,' असा सवालही राऊत यांनी केला आहे. गुलाबराव पाटीलही बरसले! पाणीपुरवठा मंत्री गुलाबराव पाटीलही प्रसाद लाड यांच्यावर बरसले आहेत. 'प्रसाद लाड हे शिवसेना भवन फोडण्याची गोष्ट करताहेत. माझं त्यांना आव्हान आहे, जरा तारीख कळवा. आम्ही तुमचं काय फोडू हे कळेल,' असा इशारा पाटील यांनी दिला आहे. 'सत्तांतर होईल अशी अपेक्षा त्यांना आतापर्यंत होती. पण ते होत नाही हे समजल्यावर काहीतरी करून वातावरण बिघडवण्याचा त्यांचा प्रयत्न सुरू आहे. सगळ्या गोष्टी माहीत असलेल्या लाड यांच्यासारख्या व्यापाऱ्याच्या मुखातून हे शोभत नाही. त्यांची हिंमत असेल तर त्यांनी हा प्रयोग करून बघावा,' असं आव्हानच पाटील यांनी दिलं. वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3iexvhf
